Што ако испиете лек со поминат рок?!

Стручњаците велат дека резултатите од направената студија се ограничени со оглед на тоа дека стабилноста на активните состојки на лекот зависи и од температурата на која се изложени, односно начинот на кој се чувани лековите.

Се разбира, дека обавезно треба да го проверите рокот на траење пред да испиете некој лек, но ако ви се случи да го испиете и дури потоа да сфатите дека му поминал рокот не морате да се грижите. Истражувањата покажуваат дека лековите на кои им истекол рокот ги задржуваат оригиналните ефекти, се разбира, под услов да се чувани во стриктно контролирани услови.

„Рокот на траење на лекот е датумот до кој фармацевтската компанија гарантира за содржината на лекот и неговата стабилност доколку се чува во оригиналното пакување и во препорачаните услови“, вели водечката авторка на студијата доктор Ема Браун и додава: „Тој датум не е нужно и датумот кога престанува делувањето на лекот и тој станува опасен, во некои случаи се покажало дека лековите се ефикасни и две до три години по истекот на рокот на траење.“

Научниците во текот на оваа студија тестирале пет вида лекови на кои рокот на трање им поминал меѓу една и четири години и ги споредиле со свежо направените лекови. Утврдиле дека сите лекови, односно нивните активни супстанци биле стабилни и по истекот на рокот на траење и дека, теориски, и понатаму биле ефикасни.

Стручњаците сепак додаваат дека резултатите на оваа студија се ограничени со оглед на тоа дека стабилноста на активните состојки на лекот зависи и од температурата на која се исложени лековите.

На пример, друга студија покажала дека доколку се чуваат на топло делувањето на активните состојки на тие лекови побрзо се намалува.

Значи, да нема дилема – она што, секако, се препорачува е да го проверувате рокот на траење на лековите и да ги користите во согласност со тоа, но добро е да се знае и дека не треба премногу да се грижите ако случајно сте испиле лек со поминат рок.