Пандемијата поради новиот коронавирус донесе разни емоции кои влијаат на сите нас. Фрустрација, тага, анксиозност и стрес се само некои од нив. Чувството на вина исто така може да се јави кај лицата кои имале КОВИД-19.
Можеби кај вас, чувството на вина се јавува бидејќи толку многу луѓе се невработени, а вие се уште имате работа и може да се грижите за семејството. Можеби се чувствувате виновно оти не можете да ги пратите децата кај баба и дедо. Вината може да се јави по фактот дека луѓе се болни, додека вие сте здрави.
До денес, од почетокот на пандемијата се евидентирани над 59 милиони случаи на заразени со коронавирус, а тоа значи исто толку можности вирусот да се пренесе на друго лице и исто толку причини за чувство на вина, ако некого вие лично сте заразиле.
Непријатен е разговорот кога морате некому да кажете дека можеби сте одговорни за неговата болест, а голем е бројот на оние кои ќе го избегнат тој разговор и ќе се надеваат дека другото лице не се заразило.
Прескокнувањето на овој разговор е еден од поголемите проблеми и можно е да доди до дополнителни случаи, што би можеле да се спречат.
Преиспитајте ги своите одлуки, бидејќи кога чувствуваме вина често ќе се уверуваме дека нешто не постои и не е вистина.Таквиот начин на размислување може да го поремети чувството за реалноста и само да го влоши дополнителното чувство на вина.
- ПЕРСОНАЛИЗАЦИЈА
Ако ве мачи вина поврзана за пренесување на вирусот, запомнете дека тој не е ваша лична работа. Постои причина зошто доживуваме глобална пандемија. Станува збор за вирус што е исклучително заразен, а може да го шириме и кога немаме никакви симптоми. Иако е нормално да чувствувате вина бидејќи можеби на друго лице, несвесно сте му го пренеле вирусот, не значи дека сте направиле нешто лошо.
СМЕТАТЕ ДЕКА СТЕ ТРЕБАЛЕ ДА ЗНАЕТЕ ПОДОБРО
Не е невообичаено во вакви моменти во главата постојано да се повторува мислата дека сме требале да знаеме подобро и да препоставиме што може да се случи. Но таквите мисли веројатно се базираат на сите информации кои можеби не сме ги знаеле за ширење на вирусот, на пример, кога не сте знаеле дека сте позитивни и дека така може да влијаете на здравјето на другите луѓе. Обидете се да сфатите дека одлуките сте ги носеле според информациите кои тогаш сте ги имале.
- НЕ ГИ ОТФРЛАЈТЕ ПОЗИТИВНИТЕ МИСЛИ
Во моментите кога чувствуваме вина, можно е да заборавиме на сите позитивни работи кои сме ги превземале за да спречиме ширење на вирусот. Можеби вирусот сте му го пренеле на соработни, но сте избегнувале семејни собирања. Размислете колку ситуацијата би можела да биде полоша ако не сте внимавале на одредени работи.
- НЕНАМЕРНИ ПОСЛЕДИЦИ
Сите правиме најдобро што можеме за да го контролираме ширењето ан вирусот, но и продолживме да го живееме својот живот. Цената на социјалното дистанцирање е голема – финансиска, интерперсонална, емоционална и духовна. Новите податоци откриваат дека менталното здравје страда од почетокот на оваа година, а притоа сите моравме да донесеме одлука колкав ризик сме подготвени да поднесеме. Додека се обидуваме да живееме нормален живот, мора да донесеме одлука за тоа кои се тие ризични однесување што ќе ги сведеме на нула.
- ГЕНЕРАЛИЗАЦИЈА
Немојте да претпоставувате дека еден инцидент зборува нешто за вашиот карактер, како на пример дека не ви е важна состојбата на останатите. Она што едно случување може да го открие за вас е дека сте живееле во 2020. година, кога коронавирусот поремети се.
- ШТО АКО НАВИСТИНА СТЕ БИЛЕ НЕВНИМАТЕЛНИ…?
Можно е ако не сте ги следеле препорачаните мерки, било причината да била таа дека мислите дека болеста не е сериозна или дека тоа вам нема да ви се случи. Но, можно е и да се разбере дека некои погрешно ја сфатиле ситуацијата, особено ако тие или некој нивен близок, се уште не ја доживеал таа болест.
Се однесуваме во склад на она што го знаеме во одреден момент. Ако до денес сте го промениле мислењето, можно е да се прашувате како така сте погрешиле, но таквото однесување не може ништо добро да донесе.
Совет е да освестите дека и понатаму не било намерно бидејќи ако сте биле свесни за последиците сигурно многу повеќе би внимавале. Не можеме да ја поништиме штетата која случајно некому сме ја нанеле, што е направено е направено. Наша задача е сега да внимаваме на оние кои ги сакаме и тоа да им го покажеме. Љубов и пријателство, не грижа на совест, ќе ни помогне полесно да го преживееме ова несигурно време.
