Ништо во животот не се мора, освен да се умре – стара поговорка која ја слушаме од мали нозе. И набрзо сфаќаме дека е повеќе од точна. Смртта е неизбежна и токму затоа се трудиме да не размислуваме за неа.
Но дали навистина знаеме што се случува пред личноста да умре и дали може тој момент да се препознае?
Еден стручњак рекол дека кркотењето е знак за сигурна смрт која ќе настапи во следните 23 часа, пишува Њујорк пост. Овој феномен се случува во моментот кога личноста не е во можност да голта. Личноста на која и се ближи смртта поинаку ќе дише, а тој единствен звук е дел од тој феномен, вели доктор Даниел Мурел од американскиот Универзитет во Алабама.
Иако звукот делува страшно, лекарите уверуваат дека личноста не чувствува никаква болка. Во такви случаи медицинскиот персонал може да помогне и да ја ублажи маката на пациентот вртејќи го на страна на тој начин ослободувајќи му ги дишните патишта.
Останатите знаци кои укажуваат на брза смрт се: збунетост, зачестено зевање за да се дојде до повеќе кислород, губење на свеста и повторно враќање, инконтиненција, промена на телесниот мирис, вознемиреност, темни модрици, лупење на кожата.
Минатата година неврологот, доктор Камерон Шо открил што се случува 30 секунди пред некој да умре. Шо вели, дека во првите 10 до 20 секунди го губиме чувството за себе, се губи чувството за хумор, можноста за размислување. Тврди и дека навистина постои светло на крајот од тунелот, но тоа не значи нужно и дека постои живот после смртта.
„Знаеме дека тој феномен се случува кога мозокот повеќе не прима кислород“, нагласил Шо.
Тој уште додава и дека личноста во тој момент навистина ќе размислува за својот живот и некои спомени и ќе му се пристори како животот да му лета пред очите. А сите вонтелесни искуства не се реални, туку тоа е само трик на нашиот мозок“, нагласува Шо.
