Грчевите може да се појават кога лицето е неподготвено за телесен напор на кој се изложува – лица кои штотуку почнале да тренираат некој спорт или да вежбаат сигурно ќе се запознаат со грчевите ако претераат со интензитетот на телесната активност.
Грчот трае неколку долги секунди до 10 минути, но нелагодноста и болката можат да продолжат.
Храна која помага
Ако имате проблеми со грчеви, важно е да консумирате намирници кои содржат калиум, бидејќи овој минерал му помага на телото во разградување на јаглехидратите и во изградба на мускулите. Дневната доза на храна богата со калиум за тоа може да ви помогне во елиминирање на грчевите во нозете и во спречување на нивното повторно појавување.
Што да одберете? Една шака сушено овошје, чаша сок од домати, сок од цитрусно овошје или млеко, портокал или банана – изборот е многу голем. Важно е да пиете многу вода бидејќи помага во циркулацијата и од мускулите ги отстранува штетените состојки кои предизвикуваат грчеви.
Храна која штети
Кофеинот кој се наоѓа во кафето, чајот и во некои газирани сокови може да допринесе за појавата на грчеви бидејќи влијае на стеснување на крвните садови и на успорувањето на циркулацијата во мускулите. Префрлете се на кафе без кофеин, билни чаеви или вода.
