Иако снегот, особено на големи минусни температури, во принцип е сув, вашиот мобилен телефон е сигурно потопол и брзо ќе го стопи површинскиот слој. Покрај тоа, како што растат температурите така станува се поопасно, а што е уште полошо, за разлика од водата, снегот се лепи за мобилниот телефон.
Затоа познат британски дистрибутер на мобилни телефони направи листа на тоа што треба да направите доколку мобилниот телефон ви падне во снег, пишува „Mirror“.
Реагирајте што е можно побрзо
Прво и основно – реагирајте колку што е можно побрзо. Веднаш кренете го од снегот и ако можете, отстранете ја картичката и батеријата. Завиткајте го телефонот во нешто меко. Идеални се хартиените крпи, но ако немате при рака работа ќе завршат и вашите ракавици (се разбира, ако не се влажни).
Не го тресете
Однесувајте се кон мокриот мобилен телефон колку е можно понежно. Ако го тресете, би можеле влагата да ја пикнете подлабоко во вашиот мобилен телефон.
Исушете ја внатрешноста
Соберете ги евентуалните капки со тапкање со мека крпа (или хартиено марамче). Немојте да триете за да не ја раширите водата дополнително.
Одбегнувајте фен за сушење
Ако има многу вода на мобилниот телефон, обидете се да ги вшмукате капките. Се разбира, држете го цревото на разумно растојание (така што водата нема да влезе во самата правосмукалка). Никако немојте да користите фен за сушење коса, бидејќи на тој начин само ќе ја поттурнете водата подлабоко. Од истата причина не е препорачливо ниту да дувате во мобилниот телефон.
Ориз или силика гел
Ако имате, ставете го вашиот мобилен телефон меѓу пакетчиња со силика гел. Ако не, истата работа ќе ја заврши и оризот.
Почекајте
Краткиот спој е најлошото нешто што може да се случи со вашиот мобилен телефон, па почекајте пред да го вклучите. Колку подолго, толку подобро.
