Разладете го домот, избегнувајте да шетате по жештините и пијте доволно течности! Но, што е важно да се знае за време на големите горештини?
Ако вие или друг околу вас се чувствува лошо:
- Побарајте помош ако имате вртоглавица, слабост, немоќ, анксиозност или сте изразено жедни и имате силна главоболка: што побрзо отидете во разладен простор и мерете ја својата телесна температура;
- Напијте се вода или овошен сок за да надоместите течности;
- Смирете се и легнете во разладена просторија ако имате болни грчеви, најчесто во нозете, рацете или стомакот, често по помината активност или вежбање на жешко време, пијте течности кои содржат електролити, а во случај грчевите да останат присутни подолго од еден час, потребна е медицинска помош;
- Советувајте се со лекар во случај на други тегоби и ако опишаните тегоби подолго траат.
Ако член на вашето семејство или лице на кое му помагате има врела, сува кожа или неразумно разговара и е немирно, има грчеви и/или е без свест веднаш повикајте итна помош.
Додека чекате стручна помош, сместете го лицето во разладена просторија во хоризонтална состојба, подигнете му ги нозете и колковите, отстранете му ја облеката и почнете со надворешно ладење, како што се ладни облоги на вратот, пазувите и препоните.
Мерете ја температурата на телото. Ладете го лицето додека телесната температура не се спушти под 38 степени. Не давајте никакви лекови за намалување на температура. Лице без свест поставете го во странична лежечка положба.
