Сите сме подготвени за лошите страни на есента и зимата, а тоа се грипот или вирусните настинки. Симптомите се познати – течење нос, кашлица, треска, зголемена телесна температура (може, но и не мора да се појави), главоболка, болки во зглобовите, претеран замор и недостаток на апетит.
За сезоната на здравствени потешкотии предизвикани од ладното време и ослабениот имунитет да помине без поголеми тегоби, ви предлагаме неколку совети како да се превенираат!
Освежете ја кутијата со лекови
Проверете дали вашите лекови се во добра состојба и набавете си лекови кои ги ублажуваат симптомите на грип и настинка за да не мора да одите во аптека кога веќе ќе дојде до тоа.
Наградете се со нова активност
Дури и оние најамбициозните може да ја загубат волјата за тренинг кога ќе настапат студените денови, но неважно дали има сонце или дожд треба да одработите барем 150 минутна активност во текот на неделата. Секогаш предност треба да дадете на активностите на отворено, поради позитивниот ефект на дневната светлина. Телесната активност ја зголемува брзината со која антителата минуваат низ крвотокот, што резултира со подобар имунитет против болестите. Зголемената телесна температура која се јавува за време на умереното вежбање го отежнува преживувањето на одредени воспаленија во телото.
Консумација на цинк
Цинкот може да се зема како додаток на исхраната кога ќе не нападне настинката, а исто така, делува и превентивно на организмот. На тој начин се превенира и настинката или барем се ублажуваат симптомите.
Закажете мамографија
Иако секоја жена не припаѓа во ризичната група, мамографијата е преглед кој прв открива евентуален рак на градите.
Закажете систематски преглед
Иако се смета дека една здрава личност не би требало секоја година да прави комплетен преглед, лекарите не се согласуваат со тоа. Тие велат дека секој мора да има доктор кому ќе му верува и кој ќе ги дава сите потребни совети за одржување и чување на здравјето.
Спречете развој на херпес
Правилната исхрана може да придонесе за скратување на должината на избивање на херпесот. Збогатете го дневното мени со риба, пилешко месо, јајца и компир. Прополисот, исто така, се смета за многу ефикасно решение кога е херпесот во прашање.
Јадете грозје
Овој силен антиоксидант делува со витаминот за да го стимулира имуниот систем за борба против инфекции, карцином и воспаленија. Грозјето изобилува со витамините А, Б6, Б и со фолна киселина, а 100 грама грозје ги задоволува 25 % од препорачаните дневни количини за витамин Ц.
