Агаве шеќерот се добива од мексиканскиот кактус сина агава. Всушност станува збор за дехидриран облик на агаве сируп, претходно исушен. Цел процес се одвива полека на ниска температура која не надминува 42 степени. На овој начин шеќерот останува свеж, со пријатен вкус, а гранулозната структура спречува лепење. Агаве шеќерот има својства на агаве сируп, но поседува и одредени предности. Поради течната состојба, употребата на агаве сирупот во некои рецепти бара намалување на другите течности. Од оваа причина агаве шеќерот е полесен за употреба. Лесно се дозира и може да се користи за секаков вид на колачи, торти, пецива, пудинг, сладолед…
Предноста во однос на агаве сирупот е тоа што кога во тестото ќе додадете агаве шеќер, тоа е покрцкаво и повкусно. Погоден е и за засладување на разни напитоци, како кафе, чај, лимонада. Особено е практичен за засладување на кафе бидејќи не го менува вкусот, а фината гранулација овозможува лесно дозирање и растворање. Со оглед на тоа што процесот на дехидрација се одвива на 42 степени, се работи за свеж производ кој може да се користи за подготовка на сите видови десерти.
Агаве шеќерот спаѓа во намирници со низок гликемиски индекс и изнесува 17, и поради тоа својство може да го користат и дијабетичари, секако, во помали количини и во консултација со лекар.
Сто грама агаве шеќер соджи 378 калории што е приближно до калоричната вредност на обичниот шеќер, но бидејќи е за 30 до 40 % поблаг, се додава во помали количини.
