Перитонитисот е акутно воспалително заболување кое го засега перитонеумот – внатрешната страна на абдоминалниот ѕид и абдоминалната празнина кое изискува итна хируршка интервенција.
Воспалението на перитонеумот може да биде предизвикано од бактерии кои ја нападнале абдоминалната празнина, пукнато слепо црево, болест на панкреасот и жолчното ќесе, перфорација на некои органи во стомакот (стомак, црева, итн.) и истекување на тие течност во абдоминалната шуплина. Перитонитисот може да биде резултат на непрофесионално изведена операција во абдоменот, како и поради и голем број на гинеколошки заболувања.
Симптомите на пертинитисот се: одеднаш се појавува силна и неподнослива болка, стомакот е тврд и притискањето на абдоменот е изразено болно. Карактеристични симптоми на перитонитис вклучуваат повраќање, висока температура, срцебиење, ладна пот и растројство.
Во случај на навремена хируршка интервенција при појавата на првите симптоми на болеста, можноста за преживување е многу висока. Абдоминалната празнина се отвора и чисти, се дијагностицира и се отстранува причината за воспалението. Ако оваа постапка не се направи навреме, инфекцијата брзо се шири, токсините влегуваат во крвта, а снабдувањето на органите со крв станува многу тешко.
Периодот на опоравување е бавен и треба да особена внимателност. Важно е да се спроведува специјална диета, а потоа постепено да се префрли на вообичаената исхрана.
