Аспергилоза е збир од болести кои се предизвикани од еден вид мувла, aspergillus, која се јавува во затворени и отворени простори. Оваа мувла предизвикува болести кои најчесто влијаат на дишните патишта. Повеќето соеви на мувлата се безопасни, но неколку од нив можат да предизвикаат сериозни болесто доколку спорите дојдат до дишните патишта на лица кои имаат намален имунитет, болести на белите дробови или астма.
Кај некои лица спорите на мувлата можат да предизвикаат и алергиска реакција, додека кај некои од блага до сериозна белодробна инфекција. Најсериозен облик на аспергилозата е инвазниваната аспергилоза, која настанува кога инфекцијата се шири низ крвните садови и надвор од нив.
Во зависност од видот на аспергилозата, лечењето вклучува антифугални лекови или во ретки случаи операција.
Габата аспергилус е неизбежна бидејќи во надворешни услови се наоѓа на отпаднатите лисја од дрвата и компостот, на растенијата, дрвата и житата. Во затворени простории, спорите се наоѓаат во климатизерите и цевките за затоплување, изолацијата, па дури и во одредена храна и зачини. Аспергилус е чест жител на старите згради, како и на старите болнички установи.
Секојдневната експозиција на аспергилус многу ретко претставува проблем за луѓето со нормален имунолошки систем. Кога спорите на оваа габа ќе се инхалираат, имунолошкиот систем ги препознава и ги уништува. Но, лицата со ослабен имунолошки систем од некое друго заболување можат многу полесно да заболат. Ризикот за појава на ова заболување зависи од целокупното здравје, но генерално, следниве фактори го зголемуваат ризикот од аспергилоза:
- Ослабен имунолошки систем
- Леукопенија (намален број на бели крвни клетки – леукоцити)
- Белодробни кавитети (шуплини)
- Астма или цистична фиброза
- Анкилозантен спондилитис
- Долготрајна кортикостероидна терапија
- Хоспитализација
- Генетика
