Брахи на грчки значи кратко, а Mayo Clinic брахитерапијата ја дефинира како третман за рак кој вклучува поставување радиоактивни семиња во внатрешноста на телото. Тоа е еден вид на радиотерапија со која се третираат повеќе видови канцер. Брахитерапијата понекогаш се нарекува и внатрешна радиотерапија, според Mayo Clinic.
На овој начин, значителна доза на зрачење доаѓа до малигното ткиво и со тоа ја намалува можноста ракот се врати, а исто така, прави помалку штета на здравото ткиво.
Зошто брахитерапија?
Ваков вид на радиотерапија се користи за третман на повеќе различни типови на рак на простата. Радиоактивното семе се поставува во телото, во близина на малигниот тумор и тоа функционира како временска капсула, дејствува само на заболеното ткиво со многу мал ефект врз здравата околина. За разлика од конвенционалната радиотерапија, брахитерапијата бара часови, а не недели за да делува. Според Mayo Clinic, брахитерапијата предизвикува и помалку несакани последици.
Кои се кандидатите?
Брахитерапија се покажа како најефикасен третман кај пациенти кои се во прв или втор стадиум на болеста, во кој сѐ уште не се зафатени лимфните жлезди. Постапката трае околу еден час во кој се поставуваат од 50 до 100 семиња во непосредно до туморот. Семето го зрачи телото два месеци, а после тој период не е неопходно да се отстрани од телото.
