Под невралгија се подразбира болка предизвикана од надразнување на нервите во некои делови од телото. Значи, воспален нерв, кој е предизвикан од притисок на коските или сврзното ткиво.
Се манифестира на повеќе начини: трнење, жарење, пецкање, чешање, болка, пречувствителност, бодежи…
Видови на невралгија
Воспаление на слепоочната артерија (темпорален артеритис), заболување на трокракниот нерв на главата, т.е. лицето (тригеминална невралгија, а најчесто се јавува после 50. година и најчесто кај жените), невралгија на нозете и задникот (најчесто ишијас), постхерпесна невралгија (која се јавува по една форма на херпесна инфекција, која најчесто се манифестира со чувство на жарење).
Невралгиите се јавуваат најчесто на едната страна од телото, а болките може да бидат константни или повремени – од неколку секунди, па се до неколку денови. Исто така, болката може да се појавува повремено, па на тој начин може да трае и неколку недели. Сепак, не ги занемарувајте овие видови на здравствени тегоби, бидејќи овој здравствен проблем може да премине во хроничен.
Затоа обратете се кај својот лекар, а ако константно ве боли главата, заб, уво, или имате осип, ако имате исклучително силни и неподносливи болки, ако болката трае подолго од една седмица, или состојбата ако се влоши, ако се сомневате дека причините за болката и тегобите во грбот, вклештени нерви, ако херпесот не е долекуван и почне одново да се шири (особено кон очите, бидејќи тоа може да доведе до слепило)…, посетете и специјалист.
Најдобро е превентивно секогаш да обрнувате внимание како седите, колкав товар кревате, бидете внимателни со нагли движења на телото. Вака ќе ги предупредите потенцијалните невралгични проблеми.
Што помага и како да си помогнете?
Многу ќе си олесните ако на болните места ставате студени или топли облоги (што повеќе ви одговара).
Познато е дека кај невролошките проблеми помага витаминот Б. Затоа, кога ќе имате напад, потребно е да го зголемите внесот на витамин Б. Во исхраната воведете овес, затоа што им помага на нервите. Препорачливи се напитоци од овес. Консумирајте почесто лук.
Маслото од кантарион ја ублажува болката, па добро ќе ви дојде мешавина од 3 капки кантарионово масло и 2 лажички маслиново или бадемово масло. Со оваа мешавина масирајте го зафатеното подрачје, најдобро на секои три часа. Исто така практикувајте редовно техники за совладување на стресот, бидејќи постојаниот стрес го слабее имунитетот и ја влошува болката. Масажа на длабоките ткива и муслуките ќе ви ги намали болките, како и одредени физички вежби кои на правилен начин ќе ви ги презентира терапевтот.
