Норовирус е вирус проследен со повраќање и пролив, кои ненадејно се предизвикани. Норовирусот е заразен, а најчесто се пренесува преку вода или храна која е заразена со фекалии. Заразата брзо се шири прку контакт со заразено лице.
Повраќање, пролив и болки во стомакот обично почнуваат 24-48 часа по контактот со заразено лице, храна или вода. Симптомите на овој вирус најчесто траат 3 дена, по што болниот целосно ќе се опорави без лекување. Но, некои луѓе (постарите лица и доенчињата), норовирусот тешко го поднесуваат, па се јавуваат сериозни здравствени проблеми, како што се пролив и повраќање кои предизвикуваат дехидрација на организмот, заради што на болните им е потребна лекарска помош. Норовирусот најчесто е присутен во пренаселени и затворени средини, како стрски домови, бродови, болници и училишта.
Норовирусот е многу заразен, а може да се пронајде во изметот на животните и луѓето. Се пренесува преку контаминирани течности, блиска средба со заразеното лице, консумирање контаминирана храна, како и со допирање на устата по контакт со контаминиран објект или површина. Овој вирус тешко се отстранува бидејќи е отпорен на ниски и на високи температури, па дури и на повеќето дезинфекциони средства.
Не постои лек за лекување на норовирус, а брзината на опоравување зависи од состојбата на организмот на заразениот, односно неговиот имун систем. Во повеќето случаи, болеста во потполност се повлекува по неколку дена. Заболеното лице задолжително мора да ги надомести изгубените течности за да не дехидрира.
Симптомите лесно се препознаваат, а болниот ќе биде преносител на вирусот следните три дена по опоравувањето. Некои лица кои се заразени со норовирус, не покажуваат никакви симптоми, но може да бидат преносители. Во секој случај, доколку заразеното лице има пролив неколку дена, треба да се обрати на доктор. Исто така, треба да нагласи ако во столицата има крв, константно повраќа и има болки во стомакот.
