Не сте сами, бидејќи речиси секое второ лице постаро до 55 години боледува од оваа дегенеративна и хронична болест. Остеоартритисот настанува поради пропаѓање на зглобната ‘рскавица, а причината за болеста е се уште непозната. Сепак, бројни се факторите кои допринесуваат за нејзиното настанување. Почесто заболуваат жените, кои воедно имаат и потешка клиничка слика, болеста ретко се појавува во помладата возраст, а наследноста може да игра голема улога.
Лекувањето во голема мера зависи од раната дијагноза, затоа добро обрнете внимание на наведените симптоми како на време би можеле да започнете со лекување.
Нападите на болка, отекување и вкочанетост на зафатениот зглоб се јавуваат во растојание, на периоди, и тоа со месеци или години. Иако остеоартритисот често зафаќа и неколку зглобови, обично предизвикува симптоми во еден или два зглоба.
Во некои случаи болките кои почнуваат како блага пречка, може со тек на време да се засилат, така што го попречуваат спиењето и секојдневниот живот. На крај, зглобот дегенерира, а со вкочанувањето и помалку боли. Исто така, се јавува и ограничување на подвижноста на зафатениот зглоб. Отоците на заболениот зглоб се ралични. Понекогаш е тешко да се забележат, а понекогаш зглобот може да биде многу отечен и испакнат.
Често варираат и самите болки. Може да ги чувствувате непосредно на подрачјето на зглобот, но може и да се рефлектираат, па може да ви се чини како да ве боли друг дел од телото. Обично болката е тапа и подмолна.
Симптомите често се развиваат полека и се влошуваат со тек на време, а тие се:
- Болка во зглобовите (за време или под вижење)
- Вкочанетост на зглобовите (особено по движење)
- Оток на зглобовите
- Чувствителност на зглобовите (непријатност во зглобот пред или за време на промена на времето)
- Губење на флексибилноста на зглобот
