Кашлицата е рефлексна реакција со која се чистат дишните патишта од слуз, а постојат – сува (непродуктивна), надразнета кашлица, кашлица со искашлување оскуден белузлав секрет и кашлица со искашлување обилен, густ секрет.
ШТО ЗНАЕМЕ ЗА СУВАТА КАШЛИЦА?
Засега се знаат сите типични симптоми на заразата со коронавирус, а тоа се температура, потешкотии со дишењето и сува кашлица, а 80% од заразените ги имаат токму овие, благи симптоми.
И додека се чин дека овие симптоми е лесно да се препознаат, дали сите знаеме што е сува кашлица и по што се разликува од останатите типови на кашлица?
“Во основа, сувата кашлица е онаа кашлица каде не постои мукус или слуз, односно таа кашлица не ја остварува својата цел – искашлување на слуз, но затоа ќе го исцрпи секој пациент“, појаснува д-р Дас Субинов, оториноларинголог од Институтот за лекување и истражување на болестите на синусите во САД.
“Мократа кашлица пак е проследена со искашлување на слуз од бронхиите и грлото“, додава тој.
Сувата кашлица исто така може да звучи поинаку: “Има изедначен звук, а често е предизвикан со ‘скокоткање’ во грлото. Секогаш звучи исто, оти дишните патишта во овој случај секогаш се во иста состојба, т.е. нема искашлок“, појаснува д-р Дас и додава дека сувата кашлица не мора да биде болна појава, но никако не е олеснувачка, оти не го исфрла мукусот. Сепак, кашлицата може да биде толку силна да целосно го исцрпи пациентот, а може да се повредат и ребртата, поради напрегање.
Важно е сепак да се запомини дека сувата кашлица може да биде симптом и за други болести, а не само за КОВИД-19, а некои од нив вклучуваат:
- Алергии
- Астма
- Бронхитис
- Обична настинка
Сепак, д-р Дас напоменува дека ако имате било какви симптоми кои се поврзуваат со КОВИД-19, како температура, губење на килограми, губење на осетот за вкус или мирис, гастроинтестинални пречки, треба веднаш да го повикате својот матичен лекар кој ќе ве упати на понатамошни испитувања.
Според лекарот, до денес нема совети за докажани препарати кои помагаат при смирување на сувата кашлица поврзана со коронавирусот. Сепак, за смирување може да го испробате ова:
- Во устата стопете пастила за смирување на иритацијата
- Користете билни препарати против кашлица
- Додадете мед во секоја напивка или земајте директно
- Користете пробиотици, кои иако директно не делуваат на кашлицата, ќе ја подобрат флората на гастроинтестиналниот систем кој често предизвикува сува кашлица
- Гаргара на грлото со солена вода
