Некои луѓе не консумираат храна само тогаш кога ќе почувствуваат глад, туку тоа го првата многу почесто, кога им е досадно, кога се тажни и несреќни…
Дебелината може да предизвика дијабетес тип 2, заболување на штитната жлезда, мозочен или срцев удар, висок крвен притисок. Ова се само некои од проблемите со здравјето кои може да се појават како резултат на вишокот килограми.
Денес е многу тешко да се биде во фит форма, дури и ако јадеме и вежбаме како луѓето во 80-тите години на минатиот век. До овој, навидум нелогичен заклучок дошле научници по истражување во кое го анализирале внесот на храна, вежбањето и други релевантни податоци на илјадници Американци. Лице кое во 2006 година внесувало иста количина на калории, масти и протеини, како и дурго лице во 1985 година, имало индекс на телесна маса поголем за два до три пати.
Ако сте од оние кои и кога не се гладни, на минување земате чипс, а штом отворите очи заедно со кафето консумирате некое мало чоколатце или енергетски бар, тогаш храната за вас е многу повеќе од неопходност за функционирање во текот на денот. Без разлика на се почестите резултати од истражувања кои укажуваат колку се штетни вишокот килограми за здравјето и дека се вовед во многу сериозни болести, на многумина хрната им е утеха, пријател, соборец.
Дебелината, според научниците е последица на хормонална нерамнотежа, навика и психолошки фактор.
Многу е едноставно, велат лекарите, само треба да се јаде онолку колку што ни треба. Но поврзаноста со храната најчесто е многу подлабока и остава траги. На пример, нема мајка која не го чести своето дете со некаков десерт кога тоа е тажно или повредено. А, тоа веќе станува навика, образец на однесување од кој тешко се ослободува и кој подоцна создава многубројни проблеми. Целата култура е свртена кон уживање во храната, па затоа велат струњаците, не треба да не изненадува таа поврзаност, емотивна и таа нераскинлива врска, бидејќи дури и на саканите личности им подаруваме чоколадо или бонбониера како знак на внимание.
Се додека на оброците не се гледа како на енергетска дополна, туку како на чин на уживање, ќе постојат и проблеми со дебелината, нагласуваат истражувачите.
