Најновото истражување сугерира дека генетиката не е пресудна кога станува збор за веројатноста да се здебелите. Со години истражувањето на гените кога станува збор за дебелината довела многу луѓе до состојба да веруваат дека нивната ДНК станува „претешка“ и дека заради тоа дебелината е неизбежна. Меѓутоа новото истражување покажува дека секојдневниот начин на живот, а не гените, веројатно, играат многу поголема улога.
Студијата следела податоци за повеќе од 2 500 Американци од 1985 година, па се до 2010 година. Истражувачите користеле модерна технологија за да конструираат генетски „резултат на ризик“ за дебелина за секој учесник и тоа врз основа на нивните одделни ДНК.
Исто така, ги следеле и промените во индексот на телесната маса на секоја личност БМИ низ времето за да ја одредат нивната тежина и кондиција. Суштината, според водечкиот истражувач, е дека фитнесот е подобар индикатор отколу генетиката каде вашиот БМИ ќе појде со текот на времето.
„Генетиката очигледно има некое влијание, но други фактори се појаки. БМИ, дури и во младоста, претставува совршена симбиоза на генетика и надворешни фактори“, вели доктор Вентакеш Мурти, вонреден професор по интерна медицина и радиологија на Универзитетот Мичиген.
Ова истражување го поддржува тврдењето дека, без оглед на вашиот генетски код, најдобар метод за оптимизација на здравјето е добрата исхрана и секојдневното вежбање. Студијата е објавена во магазинот JAMA Cardiology.
