А што јадете вие? – е прашање со кое нутриционистите се среќаваат речиси секојдневно, а одговорот е поедноставен отколку што очекувате.
Нутриционистката Кери Гласман за today.com открива која храна секојдневно се наоѓа на нејзиното мени и како таа ја подготвува.
Кафе
Богато е со антиоксиданти, а пиењето една до две шолји кафе дневно е поврзано со помал ризик од дијабетес, мозочен удар и депресија. За уште подобар ефект, пијте кафе со незасладено бадемово млеко и без шеќер.
Смути
Смути е омилен појадок за надвор за многу нутриционисти. Можете да го подготвите со протеини во прав, бадемово млеко, зелен зеленчук …
Зелен зеленчук
Зелениот зеленчук е богат со влакна, витамини и минерали и антиоксиданти. Консумацијата на овој зеленчук е поврзана со понизок холестерол, превенција од кардиоваскуларни болести, а може да помогне и во намалување на ризикот од појава на рак.
За поинтересен вкус, на вашиот омилен зеленчук додадете му семки од тиква со малку козјо сирење и крцкаво јаболко. Опции има безброј, само треба да се истражат и тестираат.
Ладно цедени масла
Одредени видови маснотии (маслиново масло, кокос, бадем) секој ден треба да имаат свое место во исхраната. Комбинирајте ги како прелив на салатите.
Јаткасти плодови
Не постои подобар меѓуоброк од јаткасти плодови кои секогаш треба да ви бидат при рака. Комбинирајте ги во разни салати.
Протеини (пилешко или лосос)
Протеините се важни за градење на мускулите. Нутриционистката Кери Гласман за ручек најчесто јаде салати, а за вечера избира пилешко, говедско месо слободно одгледувано, див лосос или некоја друга риба. Ако имате омилена маринада, тогаш ова месо е лесно да се подготви.
