Секому може да му се случи да изеде мувлосана кришка леб, но прашањето е што да правите во таква ситуација? Експертите советуваат да ги избегнувате сите намирници на кои ќе забележите траги на мувла, вклучувајќи го и лебот. Иако живееме во време на преработена и пастеризирана храна, мувлата е се уште дел од нашиот живот. Ако забележите дека лебот е мувлосан, отстранувањето на „зафатените“ делови нема нема да ви помогне многу, бидејќи мувлата има микроскопски корени, кои стигнуваат длабоко под површината на храната каде е најчесто видлива. Најдобро е да проверите дали постои мувла на храната пред да почнете да јадете, но сепак, не секогаш сите внимаваат.
Што ќе се случи ако изедете кришка леб на која има мувла?
Иако мувлата која се појавува на лебот, всушност, не може да ви наштети, сепак, забележани се случаи каде што луѓето имале сериозни реакции после внесувањето мувла, но не поради токсините кои се наоѓаат во неа, туку поради алергиските реакции што ги предизвикува. На пример, на лебот често се појавува вид на мувла која содржи пеницилин. Алергиските реакции на мувла може да бидат сериозни и вклучуваат ненадејно намалување на крвниот притисок, тешкотии при дишењето и (во ретки случаи) проблеми со кардиоваскуларниот систем. Но што е со луѓето кои немаат алергиски реакции на мувла? За мувлата навистина да биде штетна, мора да бидете изложени на неа во текот на долг временски период.
Како да се заштитите?
Секако, проверeте ја храната пред да ја купите (или барем пред да го ставите во уста првиот залак), но немојте да ја мирисате за да дознаете дали има мувла на неа. Вдишувањето на мувла може да предизвика алергиски реакции како кивање и течење на носот. Најважниот фактор за спречување на мувла во вашиот дом е хигиената. Мувлата од храната може да дојде и да се задржи на различни површини, како што е внатрешноста на вашиот фрижидер, кујнски крпи, садови за чување на храна, па дури и работни површини и сунѓерчиња за чистење.
