Карли Каме, иако комплетно вакцинарна, забележала дека го изгубила осетот за мирис и вкус. Кога се присетила на случувањата, сфатила дека денови пред појавата на први симптоми, почувствувала силен замор, а дополнително симптомите ја увериле дека не се работи за обична настинка.
Вакцините, според зборовите на стручњаците, се многу ефикасни во спречување на појава на сериозни симптоми на коронавирус, но ниту една вакцина не е 100 проценти ефикасна, појаснува д-р Лиса Адамс, декан на Универзитетот Дартмаут.
Знаеме дека постојат и дека ќе постојат случаи на инфекции и кај вакцинирани поединци, но сега сме во ситуација кога многу малку вируси се во оптек. Исто така кај тие лица, формата на болеста ќе биде блага, додава таа.
ВАКЦИНИТЕ ПОСТОЈАТ ЗА ДА СЕ СПРЕЧИ ХОСПИТАЛИЗАЦИЈА И СМРТЕН ИСХОД
Д-р Рошел Валенски, директор на Центарот за контрола на болести вели дека новите податоци покажуваат дека 99,5% од смртните исходи се кај лица кои не се вакцинирани. Од 157 милиони лица кои се вакцинирани, има само 733 смртни случаи. Околу 75% од новите инфекции се јавени кај лица постари од 65 години.
Пол Офит, директор на Детска болница во САД, додава дека вакцините сепак ја исполниле својата задача.
“Целта е вакцините да ве заштитат од болничко лекување и смртен исход. Ако имате блага инфекција, тоа не е ништо страшно“, додава тој.
СИМПТОМИ НА ИНФЕКЦИЈА КАЈ ВАКЦИНИРАНИ ЛИЦА
Според податоците, се чини дека инфекциите се поблаги и често без симптоми. Ако се зборува за делта сојот, се работи за течење на нос и главоболка.
Лицата кои биле вакцинирани, а сепак се инфицирале со коронавирусот велат дека болеста им била блага, а симптомите вклучувале течење на нос, иритација на око, губење на мирис и вкус, но сите ги снемало за 7 дена. Некои пријавувале запек и главоболка.
“Мораме да разбереме дека вакцината е 94 или 95% безбедна, а не 100 проценти. Не станува збор за заштитен оклоп и невидлива сила. Не е лесна болеста, но не можам да замислам како би било ако не се вакцинирав“, вели еден од овие пациенти.
Лицата кои добиле КОВИД-19, иако биле целосно вакцинирани, често имаат многу помалку вируси во организмот, што значи и дека се помалку заразни, тврди студија спроведена во Израел. Неколку студии на тој начин појаснија дека Фајзер вакцината може да биде ефикасна до 94 проценти кај превенција на асимптоматска инфекција, што ќе го намали ризикот од пренесување на болеста.
