Ноктите на прстите на рацете можат да откријат разни работи за вашето здравје. На пример, кршливи нокти се знак за претерано миење на рацете или недостаток на цинк, дамките во близина на коренот често имаат врска со количеството на калциум во организмот, дали ви недостасуваат некои витамини и слично.
Попречни прорези
Ако се појават, тоа значи дека постои проблем кај растот на ноктот. Причина за тоа може да биде повреда или недостаток на железо и витамини. Понекогаш може да укажува и на болест на кожата – како екцем, а може да биде и знак на некои хормонски пореметувања, како и проблеми со штитната жлезда. Ако се појават на сите нокти, тоа е знак за некое посилно воспаление. Решението за овој проблем, доколку станува збор за повреда, е времето. Самите ќе се израмнат после извесно време, но доколку состојбата не се поправи побарајте лекарска помош.
Надолжни прорези
Во принцип се сосема нормални. Се појавуваат кај околу 20 отсто од возрасните личности. Кај некои луѓе се посилно изразени, а кај други се појавуваат дури во позрели години. Значи, во повеќето случаи се знак за стареење. Меѓутоа, често укажуваат и на недостаток на течности, а во ретки случаи може да бидат поврзани со артритис. Еден единствен прорез може да значи недостаток на белковини. Решението во овој случај би било да пиете многу вода. Но ако одеднаш ви се појават многу прорези, појдете на лекар.
