Чувствувате ли нелагодност прво во желудникот, како кога ќе се јави лошо претчувство околу нешто? Некои ситуации ви создаваат мачнина? Дали сте почувствувале пеперутки во стомакот?
Овие изрази се користат со причина, а гастроентеролошкиот систем е чувствителен на емоции.
Лутина, анксиозност, тага, осаменост – сите овие емоции може да поттикнат појава на симптоми во стомакот, објаснуваа стручњаците од Harvard Medical School.
Мозокот има поинакво влијание на желудникот и цревата. На пример, самата помисла на нешто може да поттикне лачење на желудочни сокови пред храната да се стави на маса.
СТАНУВА ЗБОР ЗА “ИНТИМНА“ ВРСКА
Поврзаноста е двострана, па може да се каже дека цревата ќе испраќаат сигнали до мозокот, а тој исто така ќе испраќа сигнали до црвата кога ќе се најде во проблем. Јасно може да се заклучи дека желудникот или црвата кои не се во добра состојба, можат да бидат во таква ситуација бидејќи вие сте во депресија, анксиозни сте или сте под стрес. Ова може да се забележи и кога ќе почувствувате дека имате некои гастроентеролошки проблеми без никаква јасна физичка причина, а во тие ситуации тешко е да се лекува дигестијата,а да не се размисли за стресот и емоциите што ве мачат.
ДИГЕСТИВНО ЗДРАВЈЕ И АНКСИОЗНОСТ
Знаејќи дека се работи за тесна поврзаност на мозокот и дигестивниот систем, лесно е да се заклучи зошто може да почувствувате мачнина пред голем настан, или болка во цревата кога сте под голем стрес. Тоа не значи дека сите тие проблеми се само во вашата глава. Психата во комбинација со физичките фактори може да предизвика болка и други симптоми во црвата. Со други зборови, стресот може да го поремети движењето на цревата и грчењето и отпуштањето на гастроентеролошкиот тракт.
Исто така, лицата кои имаат функционално пореметување на гастро трактот, можат болката да ја доживеат како многу посилна, бидејќи нивниот мозок е почувствителен на сигналите на болка од дигестивниот тракт.
Стресот, постоечката болка, може само да ја влоши. По овие истражувања, стручњаците се согласуваат дека одредени проблеми присутни во гастроинтестиналниот тракт може да се подобрат со терапија за намалување на нивото на стрес или со третман на анксиозноста или депресијата.
Многу студии покажале дека пристапите кои се темелат на психологијата можат да доведат до подобрување на дигестивните симптоми, ако се спореди до конвенционалниот медицински пристап со терапија.
Дали симптомите како жиговина, грчеви во стомакот или течна столица се поврзани со стресот? Секако повнимавајте на овие симптоми на стрес и поразговарајте со лекар за нив.
