Апчињата против болест КОВИД-19 кои би можеле да се користат дома штом болеста се открие, може да бидат достапни за пациентите до крајот на 2021., вели директорот на Фајзер, Алберт Боурла нагласувајќи дека очекува да антивирусното лекување ќе биде ефикасно и кај варијантите на коронавирусот.
Боурла објаснува дека компанијата тестира две антивирусни средства, едно кое се вбризгува интравенозно и второ, кое се дава орално. Фокусот, според него е на оралната опција оти нуди неколку предности – избегнување на одење во болница и не е потребен здравствен работник заради лекување.
Можноста за земање на антивирусна терапија за SARS-CoV-2 дома може да промени се, тврди Боурла. До крајот на годинава се очекува лекот да ги помине сите фази на тестирање.
“Решавањето на пандемијата со коронавирусот бара превенција со вакцина и целно лекување на заразените со вирусот“, вели Микаел Долстен, главен научник во Фајзер и додава:
“Со оглед на начинот на кој SARS-CoV-2 мутира и континуираното глобално влијание на болеста КОВИД-19, се чини веројатно дека ќе биде пресудно да се има пристап до тераписки можности и сега и по пандемијата“.
Моментално единственото достапно решение е вакцината против КОВИД-19, а стручњаците предупредуваат дека и по вакцинацијата треба да се биде внимателен и да се однесува во склад со мерките, бидејќи е можно да се добие КОВИД-19 и откако ќе се прими вакцината, иако не се работи за чест случај.
Центарот за контрола и превенција на болести на САД проценува дека околу 5.800 случаи со пробојна инфекција (случај на болест во кој вакцинираното лице се разболува од таа иста болест за која вакцината имала намера да ја спречи), од вакцинирани околу 77 милиони лица. Како тоа може да се случи?
Може да се работи примарно за неуспех на вакцината, кога телото не дава соодветен имунолошки одговор на вакцината поради бројни причини. Може да се работи за имунолошки статус, здравствен статус, користење на лекови или некој пропуст во чувањето на лекот. Тоа е дополнителна причина зошто треба да се носи маска и да се одржува физичко растојание и откако ќе се вакинираме.
