Пречувствителноста на состојките во вакцината е единствена контраиндикација за вакцинирање против болеста КОВИД-19 (секако, покрај општите контраиндикации – акутна фебрилна болест и тешка нуспојава на примена на претходната доза од таа вакцина).
Од состојките на вакцината се нагласува полиетиленгликол, кој покажува крсна пречувствителност со полисорбатот. Со други зборови, ако лицето не е алергично на полиетиленгликол и/или полисорбат, може да се вакцинира. Според препораките на Центарот за контрола и превенција на болести на САД – CDC, алергијата на антибиотици и други лекови не е контраиндикација за вакцинирање.
Кај лицата кои имале непсоредна алергиска реакција на било кја друга вакцина или инјекциска терапија (т.е. интрамускулни, интравенски или поткожни вакцини или терапии кои не се поврзани со mRNA КОВИД-19 вакцината или полисорбатите), потребна е претпазливост при примената на вакцина, но наведеното не претставува контраиндикација за вакцинирање за моментално достапната вакцина во земјава.
Тие лица треба да информираат за ризиците и придобивките за да се донес конечна одлука за вакцинацијата. Може да се разгледа одложување на вакцинирањето и/или да се советува со алерголог-имунолог, додека не бидат достапни поопсежни информации за ризикот од анафилакса.
Алергиските реакции (вклучувајќи сериозни алергиски реакции) кои не се поврзани со вакцината, инјекциски терапии, компоненти во mRNA вакцините против болеста КОВИД-19, како алергија на храна, домашни миленици, алергии на лекови или алергии од животната средна не се контраиндикација, ниту мерка на претпазливост за вакцинација со mRNA вакцина против КОВИД-19.
По вакцинирањето се препорачува сите лица да се набљудуваат 15 минути, а лицата со историја на непосредна алергиска реакција со било каква сериозност на вакцина или инјекциска терапија и лицата со анафилакса од било која причина, во анамнеза 30 минути.
