Хормонските промени кои се случуваат во женското тело за време на месечниот циклус се главен виновник за ПМС и менструалните тегоби. Болки за време на менструацијата имаат многу жени. Болки во грбот, напнатост во градите, главоболка, запек, пролив, нервоза… ова се само некои од физичките и емоционалните (ПМС) предменструални симптоми кои ги мачат жените. Иако точната причина за ПМС е непозната, се чини, дека е поврзана со промената на нивоата на хормони. Во акутните состојби можат да помогнат соодветни аналгетици, а од помош можат да бидат и одредени вежби.
Четириножна положба
Потпрете се на дланките и колената. Главата спуштете ја, а грбот извиткајте го како мачка. При тоа мирно вдишувајте и издишувајте, задржете се во оваа положба околу две минути.
Истегнување на грбот
Седнете и испружете ги нозете. Свиткајте ја десната нога, а стапалото ставете го на внатрешната страна од левиот бут. Вдишете и кренете ја раката над главата. Издишете и свиткајте се кон напред над левата нога. Задржете ја положбата околу половина минута потоа вдишете и вратете се во почетната положба. Повторете го истото со виткање на левата нога.
Нишање
Легнете на под на грб. Нозете свиткајте ги, привлечете ги кон градите и опфатете ги со рацете. Неколку пати лесно занишајте се налево и надесно. На овој начин благо се масира подрачјето околу половината.
Споени стапала
Седнете на рамна подлога. Под главата и рамената ставете поголема перница. Свиткајте ги нозете така стапалата да бидат споени. Полека дишете и одморајте се неколку минути.
Нозе во воздух
Легнете на грб и кренете ги нозете. Под долниот дел од грбот ставете перница. Рацете и рамената се опуштени. Поткренете ги нозете, раширете ги и држете ги во воздух. Дишете мирно и останете во оваа положба неколку минути.
