Во Пекинг, подолго од два месеци не бил пријавен ниту еден нов случај на зараза, за да во последнава недела сепак се откријат нови слуачи. Училиштата се затворени, а цели населби превентивно се блокирани. Во последните 24 часа на целата територија на Кина регистрирани се само 27 нови случаи на зараза, без смртен исход.
Д-р Марија Ван Керкова од Светската здравствена организација за медиумите изјави дека е потврдено оти коронавирусот во Кина е од европско потекло, и според експертите на СЗО, појавата на нови случаи не значи дека станува збор за втор бран на коронавирусот.
“Доколку избијат нови жаришта, мораме веднаш да реагираме за да се избегне враќање на порестриктивни мерки на затворање. Секоја земја може сега да има втор пик на заразата, а вториот бран се очекува наесен“, вели директорот на СЗО за вондредни состојби, Мајк Рајан.
“Неопходно е да се следи бројот на заразени, состојбите во здравствените установи, за да се спречи ширење на заразата. Мора брзо да се реагира доколку болниците се ‘преполнети’, за не се најдеме во ситуација како на врвот на пандемијата“, вели тој.
