Што се случува со пандемијата, колку нови лица ќе се заразат во наредните денови и уште колку жртви ќе однесе новиот коронавирус во земјава? Ќе паѓа ли бројот на новозаболени? Еве што покажуваат алгоритмите.
Институтот за глобално здравје при Медицинскиот факултет на Универзитетот во Женева и Центарот за наука на податоците во Цирих, секоја недела објавуваат прогнози кои се темелат на податоци собрани од Европскиот центар за превенција и контрола на болести (ECDC) и Универзитетот Џон Хопкинс во САД.
Европскиот центар за превенција и контрола на болести е независна агенција на Европската унија, чија мисија е зајакнување на европската одбрана против заразните болести. Основан е 2004. и се наоѓа во Солна, Шведска.
Еве што велат прогнозите за наредните седум дена, базирани на податоците од овие два извори.
Во Македонија, предвидува Европскиот центар во првата недела од јули дневно ќе се разболуваат помеѓу 144 и 146, со што растот на новозаболени ќе оди во нагорна линија, и се предвидува дека до идната среда, вкупниот број на заразени, од почетокот на пандемијата ќе изнесува 7364 лица.
Бројот на починати, предвидуваат експертите од EDCD, ќе биде праволиниски, односно во просек се очекува по осум смртни исходи дневно, како последица од КОВИД-19. Според Центарот, до средината на идната недела вкупниот број на смртни случаи од новиот коронавирус може да изнесува 357.
Статистичките пресметки на Универзитетот Џон Хопкинс нудат слична, но не целосно иста слика. Американските статистичари предвидуваат дека во наредната недела во Македонија дневно ќе се заразуваат по 142 лица, односно дека растот ќе биде праволиниски.
Но, тие се на исто мислење како и европските колеги дека дневно, во земјава од КОВИД-19 ќе има по осум лица. Со што, до вторник (07.07) вкупниот број на починати од оваа зараза ќе изнесува 357.
Во однос на евидентирањето на реинфицирани пацинети, според досегашните податоци, во земјава е можно да се бележи по еден ваков случај дневно, кога излекуван пациент од КОВИД-19 повторно е заразен со новиот коронавирус.
