Тие хормони… Не тераат еден ден да се однесуваме како вистински ѕверови, а веќе следниот не уфрлаат во смирена фаза. Не уверуваат дека е сосема нормално да станеме во 2 часот наутро и да изедете полвина фрижидер, како и дека сосема е нормално да се плаче на телевизиска реклама. Хормоналниот хаос има свои правила и многу е тешко да се менуваат, но ако знаете што во кој дел од циклусот ве чека, полесно ќе ја контролирате ситуацијата. Освен кога сте во фаза на предменструален синдром – ПМС, оти тогаш контролата не оди со тој поим.
ПРВА НЕДЕЛА
Менструалниот циклус почнува, а нивото на естроген и тестостерон полека растат
- Внимание, главоболка! Во првите неколку дена од циклусот сте посклони кон главоболки поради недостатокот на естроген, но веќе во втората половина од неделата, таа се намалува бидејќи расте нивото на естроген.
- Во целост сте жена. И покрај иритирачките грчеви во долниот дел на стомакот, кои ве потсетуваат дека имате циклус, ова е најсмирениот период во месецот, бидејќи сите хормони се стабилни.
- Среќни сте и дружељубиви. Кога ќе добиете менструален циклус и нивото на естроген почнува да расте, расте и нивото на хормонот на среќа во мозокот – серотонин. Се чувствувате среќно и многу сте подруштвени и поотворени отколку претходните денови. Конечно!
- Вистински момент за преглед на градите. Околку седмиот ден, кога таа исцрпувачка пречувствителност, набрекнатост и болки во градите ќе се повлечат, се создаваат иделани услови за преглед на дојките, за да се забележат евентуални промени или јазли.
- Повторно сте сочувствителни. Истражувањата покажуваат дека прогестеронот може да ја намали способноста да читате изрази и гестикулации на лицата на другите луѓе. Затоа околу петтиот – шестиот ден од циклусот, кога нивото на прогестерон е најнизок, ќе ви биде полесно да се поврзете со другите и да покажете повеќе емоции отколку кога ст ебиле во состојба на ПМС.
ВТОРА НЕДЕЛА
Естрогенот и тестостеронот растат цела недела до својот максимум
- Прагот на болека е поголем. Отидете на депилација или обликување на веѓите, бидејќи во овој период центрите за болка се помалку чувствителни од вообичаено.
- Вистински момент за расчистување. Од 10. до 14. ден, високото ниво на естроген и тестостерон даваат ментална и физичка сила. Сега конечно сте во состојба ефикасно и брзо да го завршите она што сте го започнале, било да станува збор за чистење на плакарите, или учење за испит. А ќе бидете и помалку сентиментални, па полесно ќе се ослободите од она што ви е непотребно.
- Желба за шопинг. Верувале или не, но предовулациската фаза може да ве доведе до уверување дека навистина, но навистина немате што да облечете и дека вашата козметика треба да се обнови.
- Сексот е одличен. Колку сте поблиску до половината од циклусот, вашето либидо расте. Хормоните се така балансирани за да ве охрабрат дека околу 14. ден од циклусот, односно кога сте во овулација, да го направите она што природата го очекува од вас – да забремените. А, во овие денови сексот е подобар од било кога.
ТРЕТА НЕДЕЛА
Почнува овулацијата, а естрогенот и тестостеронот паѓаат, додека нивото на прогестерон се зголемува.
- Имате зголемен вагинален исцедок. Исцедокот може да варира од бела или светло жолта боја, од проѕирен, или воопшто да го нема, па се до тоа да е густ, леплив и еластичен кога овулирате – околу 14. Ден, со тоа што е присутен повеќе од вообичаено. Зошто? Слузот, ако сте воделе љубов за време на овулацијата, ги задржува сперматозидите во вас и така поверојатно ќе дојде до оплодување.
- Состојба пред ПМС. Естрогенот паѓа на ниски граници, а со тоа и вие: ќе бидете почувствителни и потажни, но тоа ќе трае само неколку дена, бидејќи на крајот од оваа недела нивото на естроген повторно малку ќе се зголеми.
- Не ви е до ништо. Со пониските нивоа на естроген и тестостерон, а со растечкиот прогестерон – хормон познат по смирувачките ефекти, ќе се чувствувате безволно и пасивно.
- Сексот баш и не ве интересира. Не сте расположени за водење љубов поради високото ниво на прогестерон, што истовремено негативно влијае и на доживувањето оргазам.
- Мозолчиња на брадата. Кога овулирате, очекувајте дека ќе се појават мозолчиња на брадата, од таа страна каде што јајчникот исфрлил јајце клетки. Значи, ако мозолчињата се на левата страна, тогаш левиот јајчник бил активен.
ЧЕТВРТА НЕДЕЛА
Во оваа предменструална фаза нивоата на естроген, тестостерон и прогестерон паѓаат ниско.
- ПМС. Нивото на хормоните се намалува, хормоналната нерамнотежа може да влијае на нивото на серотонин, предизвикувајќи предменструален синдром, па може да бидете депресивни, пречувствиелни, да чувствувате тегоби и со променливо расположение.
- Не спиете. Падот на естрогенот ја зголемува телесната температура, а бидејќи и нивото на прогестерон е низок, нема да може така лесно да заспиете.
- Возбудени сте. Како поминува оваа недела, а менструацијата се приближува, ќе бидете расположени за сексуални односи.
- Се е болно. Откажете ги сите болни прегледи и обврски оваа недела, бидејќи рецепторите за болка се опасно активирани.
- Варењето на храната може да се поремети. Прогестеронот може да има констипациски ефект, па наглото исчезнување на овој хормон пред циклусот, може да има спротивно влијание – пролив. Простагландини, сигнали кои телото ги испраќа на матката за да го поттикне циклусот (што предизвикува и грчеви), може да делува и на дигестивниот систем, а тоа може да заврши како запек или пролив.
- Чезнеете. И тоа за храна. Падот на естрогенот кој води до пад на серотонинот, предизвикува потреба за шеќер и јаглехидрати. Направете му услуга на серотонинот и дајте му го потребниот шеќер. Ќе се чувствувате подобро.
