Според првично истражување кое се заснова на податоци земени од терен, омикрон има значајна способност да го избегне имунитетот стекнат од претходни инфекции од други соеви на КОВИД-19. Неодите покажуваат дека новата варијанта би можела да предизвика нов значаен бран на инфекции, дури и меѓу популацијата со високи нивоа на антитела.
Стручњаците од Националниот иститут за заразни болести (NICD) во Африка, предупредуваат дека овие резултати може да имаат значајни последици на јавното здравје.
“Се уште не е познато дали омикрон може да го избегне и имунитетот кој е создаден по вакцинацијата“, наведуваат научниците во студијата.
Експертите анализирале 2.8 милиони потврдени случаи на зараза со КОВИД-19 во Јужна Африка од март 2020. и откриле дека 35.670 лица биле повторно инфицирани со КОВИД-19.
ПОГОЛЕМА ОПСАНОСТ ОД ПОВТОРНА ЗАРАЗА
Имено, студијата покажува дека опасноста од повторна инфекција во текот на брановите поттикнати од бета и делта соевите, била помала отколку во текот на првиот бран што го предизвика варијантата откриена во Вухан. Значи, полесно било да се зарази со КОВИД-19 во текот на првиот бран на пандемијата отколку кога се појавиле бета и делта соевите. Наспроти тоа, ризикот од повторна инфекција со омикрон е 2.4 пати поголема отколку во првиот бран.
Стручњаците од Националниот институт заклучуваат дека неодамнешното ширење на омикрон варијантата е поврзано со намалената опасност од првата зараза и зголеметната опасност од онаа повторната.
“Пронајдовме докази за значајно и континуирано зголемување на ризикот од повторна инфекција кој е временски поврзан со појвата на омикрон во Јужна Африка. Тие наоди укажуваат на тоа дека овој сој ја имаат предност да повторно ги инфицира оние лица кои веќе го прележале КОВИД-19“, наведуваат научниците.
“Можноста за избегнување на имунитетот стекнат од претходна инфекција, без оглед на тоа дали омикрон може да го избегне и имунитетот добиен со вакцина, има важни импликации за јавното здравство во целиот свет“, додаваат тие.
Иако само околу една четвртина од населението во Јужна Африка е ревакцинирано, имунитетот на населението стекнат по инфекција со КОВИД-19 е многу повисок бидејќи земјата поминала низ неколку значајни бранови на пандемијата.
ДОБРА ВЕСТ
Инфектологот Ана фон Готберг од Институтот на состанокот на Светската здравствена организација изјави дека омикрон варијантата не се чини дека е позаразна од претходно доминантниот сој и дека моменталниот пораст на случаи во Јужна Африка веројатно се темели на чувствителноста на населението ан повторна инфекција.
Меѓутоа, Готберг додала дека постојат докази дека оние кои повторно ќе се заразат со новиот сој на КОВИД-19, омикрон, имаат благи симптоми за што смета дека е “добра вест“.
Истражувањето под наслов “Increased risk of SARS-CoV-2 reinfection associated with emergence of the Omicron variant in South Africa” е објавено на MedRxiv и не поминало рецензија на независни стручњаци.
