Трепките ги штитат очите од пресилна светлина, пот, нечистотии, прашина… Опаѓањето на трепките се нарекува мадароза, најчесто е бенигна тегоба предизвикана од блага алергија на шминка, но може да укажува и на посложени проблеми во организмот.
Мадароза е опаѓање на трепките кое најчесто е предизвикано од алергии на козметички препарати – максари, сенки и креми за очи.
Токму поради тоа, мадарозата е многу почеста кај жените отколку кај мажите. Причина за оваа состојба може да бидат некои лекови, но и хормонали пореметувања, најчесто поврзани со нерамнотежа на хормоните на штитната жлезда. Мадарозата кај трудниците најчесто е предизвикана од трудничката анемија.
Негувањето на трепките треба да се биде темелно и доследно, како при нега на кожата, косата и ноктите, ако сакате да бидат полни, густи, долги и да не паѓаат. Важно е да внесувате намирници богати со витамини од групата Б, и секојдневно да го негувате подрачјето околу очите и самите трепки со бадемовото масло бидејќи изобилува со витамин Е.
Освен бадемовото масло, стручњаците истакнуваат дека два пати неделно треба да ги нахраните со рицинусово масло. Да го нанесете на коренот на трепките и да оставите да делува цела ноќ. Наутро измијте го со студена вода.
Темелно отстранувајте ја шминката
Памукот со кој ќе ја вадите шминката намокрете го со бадемово масло и притиснете го неколку секунди на капаците и трепките, за состојките да почнат да делуваат. Не тријте силно. Лесно масирајте ги капаците. На тој начин ќе ја отстраните и шминката, но и ќе ги нахраните трепките. Доколку имате проблем со мадароза, секако исфрлете ги шминките од употреба. Избегнувајте вештачки трепки.
