Постојат повеќе од 200 видови на рак, а меѓу најсмртоносните е ракот на белите дробови. Луѓето кои пушат имаат најголем ризик од развој на рак на бели дробови, иако може да се појави и кај лица кои никогаш не запалиле цигара.
Болеста ретко покажува знаци на предупредување во почетните фази, а па е потешко да се открие во момент кога се уште е излечива. Во моментот кога ќе се појават загрижувачки симптоми, како повторувачки воспаленија на белите дробови или бронхитис, ракот веројатно веќе се проширил.
Меѓутоа, постојат одредени знаци и симптоми кои може да укажуваат на фактот дека туморот создава притисок на срцето. Според мислењето на стручњаците, овој помалку познат знак на потенцијално смртоносната болест е срцебиењето.
Срцебиење и рак на бели дробови
Срцебиењето се дефинира како брзо пулсирање или абнормално брзо или неправилно чукање на срцето. Пациентите често го опишуваат срцебиењето како брзо треперење во градите, ритам на прескокнување на отчукувањата на срцето или чувство на пулсирање во градите. Според European Cardiology Review (ECR), срцебиењето е честа појава кај лицата болни од рак. Сепак, срцебиењето нужно не значи дека имате рак на белите дробови. Стресот, вежбањето, лековите и неколку други привремени фактори исто така може да доведат до ова чувство на брзо чукање.
Останати знаци на рак на бели дробови
Бидејќи срцебиењето е редок знак на предупредување, лекарите препорачуваат да внимавате на останатите предупредувачки знаци на оваа болест. Тие може да вклучуваат невообичаено долга инфекција на градниот кош која трае невообичаено долго, искашлување крв или болка при дишење и кашлање. Губење на апетит, губење на тежината без позната причина, замор и проблеми со голтањето се исто така можни симптоми на рак на белите дробови.
Што предизвикува рак на белите дробови?
Ракот на белите дробови се јавува кога причината за ракот предизвикува раст на абнормални клетки во белите дробови. Во повеќето случаи на рак на бели дробови, канцерогенот (средство способно да предизвика рак) кој го поттикнува растот на туморот е чадот од цигарите. Пушењето цигари најмногу придонесува за појава на рак на белите дробови, со 80 до 90 проценти од сите случаи. Иако ракот на белите дробови генерално не е наследен, одредени мутации може да предизвикаат некои луѓе да го развијат овој рак. Изложеноста на радон е втора водечка причина за рак на белите дробови, проследена со изложеност на токсични хемикалии. Важно е да се консултирате со вашиот лекар доколку развиете какви било симптоми поврзани со оваа болест.
