Бубрезите ја филтрираат крвта, произведуваат хормони, апсорбираат минерали, елиминираат токсини и неутрализираат киселост. Оштетените бубрези многу често не даваат никакви симптоми, особено во раната фаза на болеста. Со елиминирање на одредени штетни навики може да го зачувате и да го одржувате доброто здравје на бубрезите.
Не внесувате доволно вода
Кога не внесувате доволно вода внатре во бубрезите почнуваат да се собираат токсини и отпад кој може да предизвика сериозни оштетувања.
Внесувате премногу сол
Солта е потребна за правилна работа на организмот, но во умерени количини. Премногу сол го зголемува крвниот притисок и се созадава дополнителен притисок на бубрезите.
Често го одложувате уринирањето
Задржувањето на урината може да го зголеми ризикот од појава на бубрежни камења, затајување на бубрезите и инконтиненција.
Внесувате многу шеќери
Итсражувањата покажале дека лицата кои секој ден внесуваат две или повеќе чаши сок со висока концентрација на шеќери, имаат зголемено ниво на протеини во урината. Зголементо ниво на протеини значи дека вашите бубрези не работат како што треба.
Не внесувате доволно витамини и минерали
Здравата и балансирана исхрана со висок процент на овошје и зеленчук е нопходна за правилно функционирање на целиот организам, вклучувајќи ги и бубрезите. Витаминот Б6 магнезиумот учествуваат во превенцијата за појава на бубрежни камења.
Прекумерен внес на животински протеини
Прекумерниот внес на протеини, особено преку црвеното месо, може да ги оптовари бубрезите и да го зголеми ризикот од појава на оштетување на бубрезите.
Премалку сон
Хроничната ненаспаност може во голема мера да го зголеми ризикот од појава на низа болести, вклучително и болести на бубрезите. Во текот на спиењето телото го обновува ткивото на бубрезите, па прерипувањето на сон, малку спиење или сон со лош квалитет може да го нарушат овој процес.
Прекумерен внес на лекови против болка
Благата болка и нелагодност секогаш прво обидете се да ги ублажите на целосно природен начин, бидејќи прекумерниот внес на лекови против болка може да предизвика сериозни оштетувања на бубрезите и на црниот дроб.
