Доколку почувствувате силна, но краткотрајна болка во забите додека лижете ладен сладолед или пиете врел чај, веројатноста е дека зарaди енергичното и неправилно четкање на забите со тврда четичка сте ја оштетиле забната глеѓ.
Заради тоа врелата храна или ладните пијалаци предизвикуваат промена на температурата на дентинот, внатрешниот слој на забите, и доаѓа до непријатна болка. За да ја спречите пречувствителноста употребувајте полутврда или мека четкичка. Држете ја косо, под агол од 45 степени во однос на непцата и благо четкајте ги забите со кружни движења, а не хоризонтално.
Четкичките чии влакна се „искубани“ се најдобар знак дека не четкате правилно. Без оглед на тоа дали сте деснораки или левораки, чувствителните заби се на левата страна, а стоматолозите немаат објаснување зошто е така.
Но освен со четкање глеѓта ја уништуваат и пастите кои ги избелуваат забите и го отстрануваат каменецот затоа што содржат агресивни состојки како натритум пирофосфат. Ако забите болат и на ладен воздух, обавезно појдете на стоматолог кој ќе ја открие причината и ќе даде најдобра дијагноза. Денес се мошне делотворни пастите за десензибилизација и флуоридните гелови и течности.
На пречувствителните заби ќе им помогне и храната богата со калциум како млеко, сирење и јогурт. Исто така, ќе помогне и овошјето како јаболка, портокали, цвекло, ротквица, краставици и ореви. Не заборавајте да пиете барем осум чаши вода на ден. Одбегнувате стискање на вилицата и чкрипење со забите.
