Било кој здравствен проблем треба да се решава со стручно лице и не треба ништо да се прави на своја рака. Сепак, многумина сакаат своите наоди сами да ги толкуваат, како на пример, наодите по вадењето крв. Д-р Иван Ѓуриќ дава корисни насоки и совети на оваа тема, но напоменува дека само лекар може да ви пружи комплетна слика откако ќе ги види наодите.
„Анализата на крвта е само дел од сложувалката наречена здравје. Потребни се години искуство за правилно толкување на лабораторијата и анализите на крвта“, напоменува д-р Иван Ѓуриќ и додава дека секогаш на резултатите имате граница на нормалните вредности што е референца за таа лабораторија.
RBC – тоа се еритроцити, односно црвени крвни зрнца. Намален број на еритроцити укажува на анемија, зголемен број може да се најде со зголемен број на крвни зрнца, на пример полицитемија.
HGB– хемоглобинот претставува протеин на крвта кој се наоѓа во еритроцитите, а содржи железо и улогата му е да пренесува кислород од белите дробови до ткивата. Пониски вредности може да се најдат кај анемија, крварење и разни други состојби, а покачени, на пример, кај полицитемија.
HCT – хематокрит е удел од еритроцитите во вкупниот волумен на целата крв. Намалените вредности одат во прилог на анемија, а важно е да се каже дека вредностите под 0,24 претставуваат вредности кои бараат надоместување на крв и итно јавување кај лекар.
MCV – просечен волумен на еритроцити (т.е. колку се големи еритроцитите). Резултатите надвор од нормалниот опсег може да бидат знак за анемија или синдром на хроничен замор, помеѓу останатите медицински состојби.
MCH – ја претставува просечната количина на хемоглобин присутен во секоја црвена крвна клетка.
MCHC – просечна концентрација на хемоглобин на литар крв.
RDW – ја претставува дистрибуцијата на црвените крвни зрнца, всушност постоењето на повеќе популации на еритроцитни лози. Нивоата надвор од нормалниот опсег може да укажуваат на состојби како што се анемија, неухранетост и заболување на црниот дроб. Покачени вредности може да се најдат, на пример, кај жени по менструалниот циклус.
PLT – тромбоцити, клетки во форма на плочки кои имаат улога во згрутчувањето на крвта. Намалениот број укажува на можност за крварење, а зголемен број може да укажува на инфекција, рак, анемија.
MPV – просечен волумен на тромбоцитите.
Што е леукоцитна формула кај анализата на крв?
WBC (леукоцити) – тоа се бели крвни зрнца, кои се задолжени за одбрана на организмот и нивниот вкупен број се движи помеѓу 4,0-10,0x10na9/l. Нивниот број се зголемува кај бактериски инфекции (воспаление на белите дробови, воспалние на грлото), разни други воспалителни состојби, хематолошки заболувања… Бројот опаѓа кај нарушувања на коскената срцевина.
