Постојат повеќе можни причини за утринска главоболка. Овој проблем неретко ги мачи личностите кои ’рчат додека спијат. А ’рчењето, од друга страна, може да биде придружен симптом на еден посериозен проблем – апнеа, односно прекин на дишењето при спиење. Освен главоболката, на проблемот со апнеа може да укажуваат и честото будење и препотувањето ноќе, како и поспаноста и слабата концентрација во текот на денот.
Чкрипењето со забите при спиење може, исто така, да биде причина за утринска главоболка. Имајте предвид дека главоболката наутро може да се јави како резултат на премалку (помалку од 6 часа) или премногу сон (повеќе од 8,5 часа).
Консумирањето алкохол, но и употребата на лекови за спиење може да резултираат со утринска главоболка.
Обавезно консултирајте се со лекар доколку главоболките се јавуваат повеќе од два пати неделно, доколку почнале после повредна на глава, доколку освен болја во главата се јавува и вкочанетост на вратот, зголемена температура, мачнина или повраќање, или, пак, симптоми на збунетост, слабост, заматен вид или губење на свеста.
