![603861_wc-solja01-stock-daktilo_ff](https://panacea.mk/wp-content/uploads/2019/09/603861_wc-solja01-stock-daktilo_ff-696x487.jpg)
Сепак има и од оние кои нередовно обавуваат голема нужда, а тоа не е добро по целокупното здравје на организмот. Не треба да ве зачудува зошто докторите на прегледите го поставуваат прашањето дали имате редовна столица. Кој не го „истренирал“ организмот да оди во тоалет кога е згодно, одложувањето или прескокнувањето на нуждата може да остави последици. На многумина им се случило во незгоден момент да имаат потреба да одат во тоалет, па мораат да го одложат природниот процес кој инаку не би смеел да се прескокнува.
Кога е најдобро да се обави големата нужда?
Повеќето луѓе сите активности во тоалетот ги обавуваат наутро затоа што во текот на нота нашиот систем за варење ја варел храната која сме ја јаделе претходниот ден. Од друга страна, постојат луѓе на кои големата нужда им претставува проблем.
Одењето во тоалет наутро е најздраво за организмот, но оние кои ја немаат оваа рутина не треба да се грижат. Докторите се согласуваат дека обавувањето на големата нужда е различно кај сите. Сосема е во ред да одите во тоалет и еднаш и неколку пати на ден, а нема причина за грижа ако тоа не го правите секој ден.
Се додека не чувствувате непријатност, болки во стомакот или промени во столицата причина за грижа нема.
Во многу истражувања за нормално празнење се подразбира она кое се одвива од три пати дневно до три пати неделно. Помалку од 40 отсто од здравите луѓе се празнат еднаш дневно. Најголемиот проблем настанува кога ќе почувствувате нагон за празнење на цревата, а не сте во можност да го направите тоа. Одложувањето на големата нужда и задржувањето може да резултира со надуеност, гасови, грчеви, па дури и подоцна отежнато празнење или запек.
Најдобар начин да се одржува работата на цревата во нормала е да се пие многу вода и да се консумира храна богата со влакна за секој оброк. Јадете житраки од цели зрна, леќа, ореви, семки, зеленчук и свежо овошје. Инаку, 95 отсто од луѓето ги празнат цревата од 3 до 21 пат неделно, па тоа се смета за нормална цревна активност. Доколку забележите каква било промена во зачестеноста на празнење или изгледот и цврстината на столицата појдете на лекар.