Бананите имаат бројни позитивни ефекти за здравјето на организмот, а достапни се во текот на целата година. Но, изгледа дека и кората од бананата може да биде добар природен лек за бројни тегоби. На некои идеи, веројатно, ќе се насмеете, но, секако, вреди да се проба, зарем не?
Убоди и каснување од инсекти
Истријте го каснатото место со кора од банана за да ја смирите кожата и да го намалите чешањето.
Избелување на заби
Тријте ги забите неколку минути со кората од банана и за неколку недели забите ќе ви бидат бели. Секако, притоа не заборавајте на редовното миење на забите.
Ги смирува акните
Секоја вечер истријте ја кожата со кора од банана за да се намалат воспаленијата и иритацијата на кожата настанати поради акни.
Псоријаза
Тријте го болното место на кожата со кората од банана еднаш или два пати на ден. Бананата може да го смири чешањето, да ја хидратизира и залечи кожата, а промените ќе ги видите само после неколку дена.
Главоболка
Држете кора од банана преку челото и ќе ви помогне да се смири главоболката.
Кожени обувки или облека, па и мебел
Истријте ги со кора од банана кожените обувки, јакната или мебелот, а потоа пребришете со мека крпа.
