Постои барем една жртва на коронавирусот за која никој нема да плаче, а се работи за грипот која во годината знае да одземе стотици илјади животи во светотот и кој во Европа е присутен и оваа година, но во помал обем поради мерките во бробата против КОВИД-19.
Грипот на северната полутопка вообичаено хара од октомври до средината на мај, а во некои сезони усмртува повеќе лица отколку КОВИД-19, и покрај тоа што за неа се уште не постои вакцина.
Во зимата 2017/2018, грипот усмрти 152.000 лица во Европа. До вчера, КОВИД-19 усмрти околу 100.000 лица, но во покусо временско растојание.
“Сезоната на грип, оваа година заврши порано од вообиаченото, веројатно поради примена на мерките против ширењето на SARS-CoV-2, како што е одржување на физички растојание, и носењето на заштитни маски“, вели д-р Холгер Рабенау, вирусолог во Универзитетската клиника во Франкфурт.
Таквиот исход е поздравен, но падот за заболувањето може да го забави успехот во подготовката на вакцина за идната сезона на грип.
Лабораториите се пренатрупани со истражувања за боелста КОВИД-19 и располагаат со помалку примероци за грипот, што значи “дека можеби нема да имаат целосна слика за вирусот на грип кој кружел во изминатата сеозна“, вели д-р Паси Пентинен, стручњак за грип во Европскиот центар за превенција и контрола на болести.
Недоволните податоци и одложувањето на нивната обработка би можело да влијае на квалитетот на вакцината за сезоната ан грип 2012., на јужната хемисфера. За составот на вакцината обично се одлучува во септември на основа на примероците собрани на почетокот на годината.
“Тоа би можело да биде проблем“, смета д-р Пентинен, бидејќи помалку информации за можните мутации оваа година, ги намалува шансите за собирање на најефикасна вакцина против сојот на грип кој ќе преовладува идната година. Тој проблем, додава тој, веројатно нема да влијае на вакцината за идната зима на северната хемисфера, оти нејзиниот состав е договорен во февруари.
КАКВИ СЕ ПОДАТОЦИТЕ ВО МАКЕДОНИЈА?
Според последно објавениот извештај од Институтот за јавно здравје во земјава, кој е заклучно до 5. април, во сезоната 2019/2020, вкупниот број на случаи на грип/ заболувања слични на грип изнесува 33.042.
Во текот на последната недела (30.03-05.04) во Институтот пријавени се 90 случаи со грип/ заболувања слични на грип, што претставува намалување од 58,3% во споредба со претходната недела кога се евидентирани 216 лица. Бројот на пријавени лица споредено со истата, т.н 14. недела од минатата сезона (283) е намален за 68,2%, а во споредба со бројот за 14-та недела од типичната епидемиска крива (моделирана од последните 9 сезони) се регистрира намалување од 56,6% .
Во споредба со истиот период од минатата сезона – 20.754, постои зголемување на вкупниот број на пријавени случаи за 57,1%, а во однос на моделот од последните 9 сезони (n=25.047) се регистрира зголемување од 30,8%.
Во текот на сезоната се регистрирани вкупно 3 смртни случаи асоцирани со грип.
ЕПИДЕМИОЛОШКИ КОМЕНТАР
Но, во епидемиолошкиот коментар на експертите од Институтот за јавно здравје, стои дека регистрираната инциденца (број на новозаразени на одреден број жители), од грип/заболувања слични на грип се намалува и е во рамките на вон-сезонска активност. Се регистрира локална географска распространетост на активноста на вирусот на грип. Очекуваме задржување на трендот на понатамошно намалување на активноста до крајот на сезоната.
