Научници од Универзитетскиот колеџ во Лондон претставија соодветна слика за можните промени во телото на човек кој се откажал од алкохол во период од еден месец. Според извештајот од експериментот, авторите собрале група од 26 доброволци, поделени во две групи. Првата група продолжила да пие алкохол во насока на своите навики, додека втората група испитаници не консумирала алкохол точно еден месец. На почетокот и на крајот од тест им бил направен целосен медициснки преглед на испитаниците.
Споредбата на резултатите дозволила да се види разликата во состојбата на организмот на лицата во периодот на „алкохолна слобода“ и по еден месец воздржување.
„Сите кои апстинираа од алкохол ги подобрија резултатите, тие лица намалија на телесна тежина и го намалија процентот на масти во црниот дроб, го подобрија квалитетот на сон и способноста да се концентрираат“, изјавиле научниците.
Според нив, најзначајно подобрување во параметрите на функционирањето на организмот се забележувало кај лица кои пред експериментот консумирале не повеќе од шест чаши пиво или вино неделно. Што се однесува до учесниците кои претпочитале поголеми дози алкохол, експериметот неочекувано им помогнал да почнат да пијат помалку – три недели по завршување на експериментот, вратени на нормалното функционирање, тие консумирањето на алкохол го намалиле за 70 %.
