Водата е основа на животот – неопходна е за правилно функционирање на телото и треба да се пие во текот на целиот ден.
Водата нема калории, го стимулира варењето и го забрзува метаболизмот и најважно од сè, ги отстранува токсините.
Земањето доволно вода им помага на вашите ткива, ‘рбет и зглобови да бидат позаштитени, телото полесно да се ослободи од токсините, варењето да биде поефикасно, мозокот да функционира оптимално, кардиоваскуларниот систем да биде поздрав, а кожата и косата да бидат поубави, објавува City Magazine.
Се верува дека водата треба да биде топла или барем на собна температура, бидејќи ладната вода ги оптоварува органите за варење и го забавува целиот процес, пишува Ell.si.
Дали водата го подобрува варењето на храната?
Бројни научни студии ја поддржуваат оваа практика. Експертите препорачуваат пиење вода на собна температура наутро на празен стомак, особено за луѓе кои имаат проблеми со запек – бидејќи ладната вода може да ја влоши состојбата.
Ако испиете чаша млака вода штом ќе станете, во телото ќе се иницираат бројни позитивни промени.
Можеби ќе ослабете…
Водата нема калории, го стимулира варењето и го забрзува метаболизмот. Студиите покажуваат дека луѓето кои пијат половина литар вода 30 минути пред оброк јадат до 13 проценти помалку храна Водата, заедно со здравата исхрана, може да биде важен сојузник во губењето на тежината.
Повеќе енергија наутро
Водата на празен стомак го стимулира производството на црвени крвни зрнца, па ќе почувствувате повеќе енергија на почетокот на денот.
Подобро елиминирање на токсините
Редовното внесување вода му помага на телото да се ослободи од токсините преку столицата, урината и потта. На овој начин, ја поттикнувате природната детоксикација на телото.
Посилен имунитет
Едноставна навика како пиење чаша вода на празен стомак може да му помогне на телото подобро да се бори против инфекции и вируси.
Поздрави црева
Водата наутро помага во чистење на дигестивниот тракт. Честопати по чаша вода ќе почувствувате потреба да се испразните, што може да го регулира варењето на храната.
Поубава кожа
Дехидрацијата води кон уморен изглед, повеќе брчки и сува кожа. Водата ја подобрува циркулацијата и ѝ помага на кожата да изгледа посветла и поздрава.
Посилна и посјајна коса
Како и кожата, и косата има потреба од хидратација – водата сочинува до 25 проценти од составот на косата. Редовната хидратација ја прави косата посилна и поотпорна на оштетување.
Превенција од главоболка
Честа причина за главоболки, лош здив и проблеми со непцата е недоволното внесување вода.
Побрз метаболизам
Ако сакате да ослабете, побрзиот метаболизам е клучен. Истражувањата покажуваат дека луѓето кои пијат вода наутро на празен стомак имаат до 25 проценти побрз метаболизам од оние кои не пијат.
