Постојат бројни причини за икање и многу нешта се случуваат во телото кога ќе почнеме да икаме.
“Икањето е всушност неволна контракција на дијафрагмата, која е мускул кој се наожа под белите дробови“, објаснува д-р Андријан Котон. Кога ќе дојде до спазам на мускулот, вели тој, тој се стега, а тоа доведува до затворање на гласните жици и произведување на звук кој го препознаваме како икање.
Д-р Котон нагласува дека икањето обично трае неколку минути, но може да потрае и по неколку години, иако тоа е многу ретко. Тој вели дека, ако икањето трае подолго од 48 часа, треба да се побара лекарска помош.
Еве што предизвикува икање и што се случува тогаш во телото.
ДИЈАФРАГМАТА Е ИРИТИРАНА
До икање доаѓа по иритација на дијафрагмата, која е мускул кој ни помага да дишеме. Тоа, велат лекарите, резултира со спазам на мускулот кој доведува до изненадно вовлекување на воздух, и потоа до брзо затворање на гласните жици.
ГЛАСНИТЕ ЖИЦИ СЕ ЗАТВОРААТ
Кога гласните жици брзо се затвораат поради спазам, тогаш се слуша звукот на икање. Чувството на стегање што се јавува во грлото кога имаке е всушност затворање на гласните жици. Многу луѓе велат дека чувствуваат притисок пред да икнат, а токму ова е причина за тоа, потенцираат стручњаците.
ГОЛТАТЕ ВОЗДУХ
Ако брзате да го завршите оброкот и јадете пребрзо, немојте да се изненадите ако после тоа почнете да икате. “Кога пребрзо се јаде, се голта воздух поради што стомакот се надувува. Тоа создава притисок на дијафрагмата, поради што мускулот се стега по иритацијата“, објаснуваат лекарите.
АНКСИОЗНОСТ
“Анксиозноста исто така резултира со голтање воздух, а некои лица може да имаат и блага хипервентилација“, велат лекарите. При брзото дишење или нападот на паника се внесува многу воздух во телото и може да дојде до појава на икање. Сите знаеме, објаснуваат стручњаците, дека анксиозноста може да ги стегне мускулите на вратот, а истото се случува и со абдоминалните мускули. Кога тоа ќе се случи, се става притисок на абдоминалните органи и абдоменот ги турка навнатре, ставајќи притисок на дијафрагмата.
НЕРВИТЕ НЕ КОМУНИЦИРААТ ДОБРО
“Икањето е најчеста абнормалност на дијафрагмата. Таа е поврзана со нервите во долниот дел од вратот. До икање доаѓа кога тие нерви не комуницираат како што треба. Како резултат на тоа, се чувствува привремен спазам во дијафрагмата кој го нарекуваме икање“, потенцираат лекарите. Тоа не е трајна состојба и мозокот брзо наоѓа решение за тоа.
ЗДРАВСТВЕН ПРОБЛЕМ
Во ретки случаи, долготрајното икање може да биде знак за некоја скриена болест, како дијабетес.
