Сите понекогаш прескокнуваме некој оброк во денот, но ако тоа се прави постојано, последиците се сериозни. Прескокнувањето оброци е лоша идеа, а таквото однесување телото и тоа како го помни.
Губење на концетрација
Дури и ако пропуштите само еден оброк, вашето тело веднаш протестира. Шеќерот во крвта нагло паѓа, а со тоа се губи и концентрацијата. Мозокот првенствено работи на глукоза, па кога шеќерот во крвта е низок, се губи можноста за фокусирање.
Промени во расположението
Дали сте забележале дека со гладта доаѓа и лошо расположение? Ова зависи и од балансираната исхрана и нормалното ниво на шеќер во крвта. Кога тие процеси во телото ќе се пореметат, доаѓа до излачување на хормонот на стрес, што резултира со нервоза и аксиозност.
Подоцна ќе се прејадете
Кога ќе избегнете еден оброк, вашето тело посакува храна уште повеќе. Одржувајте го својот организам задоволен, така што редовно ќе јадете. Студиите покажале дека појадок богат со протеини помага во регулирање на апетитот, а веројатноста дека подоцна ќе се прејадете е помала.
Веројатно ќе добиете на тежина
Со прескокнување на оброк нема да ослабете, туку спротивно. Кога ќе изгладнеме, телото го успорува метаболизмот и ги чува калориите, со што се зголемува телесната тежина.
Изгледате лошо
Изгладнувањето влијае и на физичкиот изглед. Секогаш кога го намалуваме внесот на калории, го ограничуваме и внесот на важни хранливи материи кои се услов за сјајна и нежна кожа и коса.
Надуени сте
Редовното прескокнување на оброци доведува до хронична опстипација. Здрава и балансирана исхрана е услов за нормално варење, а во спротивно очекувајте мачнини.
