Високите летни температури веќе се во полн ек, а не очекуваат и неколку топлотни бранови. Поради тоа важно е да бидете подготвени и да се запознаете со најважните упатства за заштита од жештините и сите последици кои топлотните бранови може да ги остават, а особено од топлотен удар.
ШТО СЕ СЛУЧУВА ВО ТЕЛОТО ПРИ ГОЛЕМИ ЖЕШТИНИ?
- Крвните садови се шират (вазодилатација), поради што притисокот се намалува
- Промената на крвниот притисок може да предизвика слабост и несвестица
- Срцето забрзано чука, па може да дојде и до инфаркт
- Се намалува циркулаторниот волумен, а крвста станува погуста што може да предизвика тромбоза
- Со разладување на телото, односно потење, од телото се губи течност и електролити, а интензивното потење може да предизвика топлотни грчеви и исцрпеност
- УВ зрачењето може да предизвика појава на малигни творевини на кожата (на пример, меланом)
- УВ зрачењето може да предизвика развој на катаракта на окото
КАКО ДА СЕ ОДНЕСУВАТЕ ЗА ВРЕМЕ НА ВИСОКИТЕ ТЕМПЕРАТУРИ?
За време на големите горештини, односно во текот на летните месеци, важно е да внимавате и правилно да го заштитите здравјето за себе и вашите најблиски. Потребно е да се преземат соодветни мерки и тоа:
- Избегнувајте изложување на директна сончева светлина, особено помеѓу 10 и 17 часот – ова особено важи за лицата со зголемен ризик од топлотен удар
- Избегнувајте излегување во најтоплиот дел од денот
- Пијте доволно течности, односно негазирана вода или нискокалорични пијалоци без кофеин, алкохол и шеќер. Важно е постојано да пиете течности, не само кога чувствувате жед
- Носете лесна и широка облека во светли бои и од природни материјали. Не заборавајте на покривки за главата (шешир, капа), како и очила за сонце
- Јадете повеќе помали оброци богати со свеж зеленчук и овошје
- Туширајте се со млака вода, а можете да ставате и ладни облоги
- Ако работите или тренирате на отворено, правете почести паузи под сенка и пијте повеќе течности – 1,5 чаша на секои 30 минути
Топлотниот удар (хипертермија) е најтешката форма на нарушувања на телото поради продолжено и прекумерно изложување на силни жештини, како и нефункционирање на терморегулациските механизми. Се манифестира како ненадеен системски воспалителен одговор на организмот.
Разликуваме две форми на топлотен удар – класичен и топлотен удар предизвикан од напор. Класичниот топлотен удар се јавува при продолжена изложеност на жештина, а главно се јавува во летните месеци и кај постарите лица, особено кај оние со ограничена подвижност. Топлотниот удар предизвикан од напор е карактеристичен за здрави и активни луѓе, поконкретно за посебни групи како спортисти, градежни работници или други работници на отворено.
СИМПТОМИ НА ТОПЛОТЕН УДАР:
- Црвена и жешка кожа
- Главоболка
- Замаеност
- Грчеви во мускулите
- Мачнина
- Малаксалост
- Раздразливост
- Забрзан пулс (работа на срцето)
- Забрзано дишење
- Несвестица
- Телесна температура над 40 степени
КОЈ Е ВО НАЈГОЛЕМ РИЗИК?
- Хронични болни, особено оние кои боледуваат од кардиоваскуларни болести
- Лица постари од 65 години
- Деца
- Работници на отворено, спортисти…
