Краставиците спаѓаат токму во тие намирници, а покрај тоа се многу вкусни, а се и многу здрави. Секако, ова се однесува на свежите краставици.
Претпоставуваме дека најчесто ги јадете во салата, но треба да стекнете навика и да ги користите како меѓуоброк, самостојно. Она што кај нив е многу добро е фактот дека се нискокалорични, а се одлични за организмот.
- Хидрираат
Знаеме дека е исклучително важно да внесуваме доволно количество течност во текот на денот, а тоа е особено точно во потоплите денови, кои се се поблиску до нас. Внесот на течности не мора секогаш да биде во форма на пијалок. Дали знаете дека краставиците содржат дури 97 проценти вода, што ги прави совршени за хидратација на телото?
- Содржат антиканцерогени супстанции
Краставиците се полни со полифеноли и лингани, кои го намалуваат ризикот од одредени видови на рак. Ова се однесува, на пример, на рак на дојка и рак на грлото на матката.
- Ги штитат коските
Иако не асоцираат на тоа, краставиците се одлични и за коските. Овој зеленчук е богат со витамин К, кој ја поддржува густината на коските и штити од скршеници. Витаминот К овозможува подобра дистрибуција на калциумот во телото и има голема улога во спречувањето на остеопороза.
- Чистење на организмот
Со консумирањето краставици, помагате во чистење на цревата. Ензимот ерепсин ги разградува протеините и така ја подобрува дигестијата, особено помага при варење на месото.
- Помалку стрес
Кога сте нервозни, полни со грижи и стресот ви е на високо ниво, изедете краставица. Овој зеленчук е богат со витаминот Б, кој помага телото на природен начин да се ослободи од стресот.
