Перименопаузата е период од животот на жената во кој доаѓа до постапно намалување на лачењето на половите хормони. Трае до појавата на менопаузата, односно до последниот менструален циклус како последица на падот на функцијата на јајчниците.
Која е разликата?
Перименопаузата првенствено започнува со намалено лачење на прогестерон и тоа веќе околу 35. година од животот, а ја следи и флуктуација на лачењето на естрогенот, чие ниво значајно почнува да се намалува една до две години пред самиот крај на перименопаузата.
Ваквиот “танц на хормоните“ се случува се до менопаузата и тоа е она што се нарекува “валузни“, кои во овој период се физички манифестации на хормоналните разлики помеѓу примарно намалениот прогестерон и се уште високиот естроген. Во клиничкиот речник овој период се нарекува “време на доминација на естрогенот“ или estrogen dominance syndrome.
Перименопаузата се карактеризира со несакани симптоми како:
- Неправилен циклус
- Нагли промени на расположението
- Валунзи на жештина
- Замор
- Проблеми со сонот
- Зголемена чувствителност на градите
- Намалување на либидото
- Зачестена потреба за мокрење
- Намаленото лачење на половите хормони, особено естрогенот, може да резултира и со развој на срцеви болести и остеопороза.
