Не е спорно дека нивото на заштита од коронавирусот значајно се зголемува по примање на третата доза вакцина. Сепак, многумина се прашуваат дали навистина им е потребна таа трета доза? Можеби во организмот им се останати доволно антитела по претходните две вакцинации?
Доколку си ги поставувате истите прашања, можеби размислувате за тест на антитела за да можете да донесете одлука за трета доза.
Но, стручњаците уверуваат дека споменатите тестови се корисни само до одредена мера. Прочитајте што тие одговараат на бројните важни прашања за тоа.
КОИ СЕ ПРЕДНОСТИТЕ НА ДОПОЛНИТЕЛНОТО ВАКЦИНИРАЊЕ?
‘Бустер’ дозата навистина ќе го засили вашиот имун систем и ќе го направи поподготвен за одбрана на организмот во случчај на зараза со SARS-CoV-2 вирусот.
Меѓутоа, често користениот термин ‘бустер’ (зајакнување/засилување) не е сосема точен, вели германскиот имунолог карстен Вацл, бидејќи со дополнителното вакцинирање всушност се обновува она што исчезнало. Навистина, ‘бустер’ дозата нема само го обнови нивото на вашиот имуниет, туку ќе овозможи и поефикасна заштита од онаа што сте ја имале по втората доза.
Секој пат кога имуниот систем ќе дојде до контакт со причинителите на болеста или вакцината, тој станува посилен и поиздржлив, објаснува Ватцл.
ТРЕБА ЛИ ДА НАПРАВИМЕ ТЕСТ НА АНТИТЕЛА ПРЕД ТРЕТАТА ДОЗА?
Тестирањето на антитела не е без причина. Сакате да знаете на кое ниво е вашата заштита по претходните вакцинирања и на основа на тој податок да процените дали ви е потребна дополнителна доза.
Во таа насока, тестот на антитела може да разјасни некои работи, смета Андреас Бобровски, претседател на Здружението на лабораториски лекари на Германија.
Меѓутоа, не го препорачува за општа употреба. Од таквите тестови, важни информации за тоа колку се успешни биле првите две вакцини, може да добијат оние кои се подложни на инфекции или општо се имунокомпромитирани, објаснува тој.
Научниците не се усогласени за тоа колкаво ниво на антитела е гаранција за сигурна заштита, а тоа значи дека дури и по таквиот тест можете да се чувствувате небезбедно.
ШТО НИ ПОКАЖУВААТ РЕЗУЛТАТИТЕ ОД ТЕСТОВИТЕ НА АНТИТЕЛА?
Според Боборовски, тестот го проверува нивото на IgG антителата што се формираат како резултат на вакцинирањето.
Имуноглобулините (антитела) се протеински молекули што ги создава имуниот систем како реакција на влез на некоја туѓа, надворешна супстанца во организмот (антиген). Постојат пет класи на имуноглобулин: IgA, IgM, IgG, IgE и IgD.
IgG се наоѓа во меѓуклеточниот простор и го штити од инфекции. Со докажување на присуството на ова антитело, може да се покаже дали постоело претходно заболување или дали е спроведена имунизација. IgM е прв од имуноглобулините кој реагира на инфекцијата и укажува на акутна фаза на заболувањето.
Ако се одлучите да се тестирате на антитела, важно е методата на тестирање да овозможува резултати кои можат да се споредуваат. Тоа е можно ако се применуваат стандардите на Светската здравствена организација кој се изразува во мерна единица BAU/ml (BAU= Binding Antibody Units).
Меѓутоа, не постојат утврдени граници за BAU/ml над кои лицето се смета за заштитено, напоменува Ватцл, кој верува дека не е важно да се знае количината на антитела пред третата доза.
ПОСТОЈАТ ЛИ ПРОЦЕНКИ ЗА ТОА КОЛКУ Е СЕПАК ПРЕМАЛКУ?
Да, постојат.
“Резултатот под 21.8 BAU/ml укажува на тоа дека не можеме да сметаме на заштита која инаку ја обезбедуваат IgG антителата“, открива Бобровски.
“Од друга страна, резултатите над 21.8 BAU/ml се голема сива зона во која е тешко да се одреди кога заштитата е доволно ефикасна. По моја проценка, вредностите над 500 доволно се високи и во тој случај не треба да брзате по трета доза“, вели д-р Бобровски.
Се над 1000 BAU/ml може да се смета за одлична заштита, додава тој.
Неговите проценки се поклопуваат со оние на Ватцл. “Нивото на антитела над 1000 BAU/ml е во корелација со прилично добро ниво на заштита од инфекцијата“, вели д-р Бобровски.
ДАЛИ Е ШТЕТНО ДА СЕ ВАКЦИНИРА АКО НИВОТО НА АНТИТЕЛА Е ВИСОКО?
Не, ако се земат предвид кажувањата на Институтот Роберт Кох, водечко научно тело во Геерманија.
Сепак, многумина грешат кога претпоставуваат дека е подобро да се причека со трета доза во случај на високи нивоа на антитела во организмот.
Ако се уште имате добро ниво на имунитет, нема причина за загриженост што се однесува на ‘бустер’ дозата. Вашата заштита може само да стане подобра.
ШТО АКО РЕЗУЛТАТИТЕ НА ТЕСТОТ НА АНТИТЕЛА СЕ МНОГУ НИСКИ?
Не паничете, одговара имунологот Ватцл. “Заштитата од потешки симптоматски форми на болеста се уште може да биде висока“, додава тој.
“Не грижете се поради ниските нивоа на антитела, но пријавете се за дополнително вакцинирање“.
