Во листата нема да прочитате антибиотици или други лекарства кои НЕ СМЕЕТЕ да ги купувате на своја рака. Еве за кои препарати во вашата домашна детска аптека станува збор:
Средства против болки
Станува збор за препарати на база на парацетамол, кои се најбезбедни за намалување на покачена телесна температура и за елиминирање на болка. Ибупрофен немојте да давате кај бебиња под шест месеци, освен во претходна консултација со матичниот лекар. Ибупрофен се смета за поделотворен при намалување на температура и е со подолго дејство. Но, има деца на кои парацетамолот им е поефикасен. Затоа, педијатрите препорачуваат дома да имате и од двата препрата.
Орален антихистаминик
Ова средство се дава во случај детето или бебето да има појава на алергиски реакции кои се карактеризираат со течење нос, црвенило на очите, чешање и кивавица која не престанува.
Капки за нос
Одберете капки за нос на база на морска вода бидејќи најмалку ја дразнат слузокожата. Овој раствор го разредува секретот и на децата им го олеснува дишењето. При рака имајте и стандардни назални спрејови кои не ги користите пречесто, но ви се потребни.
Раствор електролити
Овој раствор ги надоместува изгубените хранливи материи, како и течности кои бебето или детето ги губи при повраќање или пролив. Овој препарат вообичаено содржи прочистена вода, шеќер, сол и други минерали.
Хидрокортизонска крема
Има широка примена – од ублажување на отоци предизвикани од убод од инскети до елиминирање на чешање при појава на егзема или друг вид на осип. За деца помали од 12 месеци лекарите препорачуваат примена на крема со најмногу 0,5 до 1 % кортизон.
Антибиотска маст
Овој препарат е безбеден за третирање на површински рани на детската кожа заради превенција од инфекции.
