Често како симптоми на воспалено грло се јавуваат болка и отежнато голтање, а сега сме токму во сезона кога вирусите и бактериите само чекаат каде да се населат. Ако морате да работите и да ги извршувате сите обврски, болното грло сигурно само ќе ви го отежне секојдневието. Она што никогаш не треба да се заборави е надоместувањето на течности, кое е важно за опоравување на организмот, но знаеме дека понекогаш во такви ситуации е тешко да се проголта дури и обична вода. Храната богата со течност може да помогне, но има и намирници кои можат само да ја влошат состојбата. Што треба да избегнувате за побрзо да се опоравите и да ги ублажите симптомите, ви откриваме во продолжение на текстот.
КРЦКАВИ ГРИЦКИ
Храната како чипс, крекери или стапчиња може му пречи на вашето грло доколку е чувствително и само да предизвика дополнителна непријатност и иритација. Острите рабови на таквата храна можат само да го отежнат голтањето и да “прободува“ во грлото како нож. Помеката храна е секако подобра опција кога ве боли грлото, па наместо тоа посегнете по чај или супа.
ЦИТРУСНО ОВОШЈЕ
Иако е полно со витамин Ц, кој е одличен додаток кога сме болни, свежото овошје како лимон, портокал и мандарини може да го иритираат грлото кога кога ги јадете, па затоа е подобро да ги избегнувате кога сте болни. Сокови, сладолед или густи сокови од овошје и зеленчук се подобра опција, а ако и тоа не ви одговара, водата е секогаш добар извор. Ако навистина сакате да го зголемите внесот на витамин Ц преку храната, направете пире од компири.
КИСЕЛА ХРАНА
Како и агрумите, храната која содржи киселини може да го иритира грлото. Додека болката не се смири, избегнувајте закиселено овошје и слична храна, но кога ќе помине, киселината нема да ви направи ништо.
ЗАЧИНЕТА ХРАНА
Сигурно барем сте слушнале, ако не сте од тие луѓе, дека болното грло ќе го смири малку зачинета храна. Ова тешко може да биде вистина, бидејќи овој вид на храна ќе го иритира грлото кое е воспалено, па затоа е паметно да избегнувате лути зачини кога сте болни.
СВЕЖ ТВРД ЗЕЛЕНЧУК
Морковите исечени на ленти или стебленцата целер се омиленото уживање за многумина, но ако ве боли грлото, тоа само дополнително ќе ве иритира. Ако сте ги забележале овие ефекти, би било добра идеја прво да го сварите зеленчукот, барем додека сте болни.
ПРЖЕНА ХРАНА
Дури и кога сме болни, често ќе посегнеме по силна храна која ќе ни даде утеха, но можеби тоа не е најдобрата опција за вашето воспалено грло. Додека симптомите не исчезнат, избегнувајте таква храна и земајте храна во мали порции и јадете полека – додека не оздравите.
