За време на бременоста е многу важно да се јаде храна која е хранлива и не содржи празни калории. Избегнувајте брза храна, слатки и грицки. Едно истражување покажало дека бебињата, чии мајки во текот на бременоста не се хранеле здраво, имаат поголем ризик од прекумерна телесна тежина подоцна во животот.
Овошјето и зеленчукот се хранливи намирници кои не содржат многу калории. Со зголемување на внесот на овошје и зеленчук ќе ја задоволите потребата на организмот за витамини, минерали и влакна. Овошјето и зеленчукот ќе го намалат ризикот од развој на дигестивни нарушувања и запек, кои се многу честа појава кај бремените жени.
Портокали
Портокалите се одлични за хидрација и се многу добар извор на фолна киселина. Фолната киселина е вид на витамин Б, кој го намалува ризикот од оштетување на мозокот. Портокалот е многу добар извор на витамин Ц, кој има одлично антиоксидантно дејство и ги штити клетките од оштетување.
Манго
Мангото е, исто така, многу добар извор на витамин Ц. Една шолја манго ќе задоволи дури и 100 % од препорачаната дневна потреба за витамин Ц. Мангото е еден од најдобрите извори на витамин А, кој е од суштинско значење за добра работа на имунолошкиот систем, спречување на дијареја и болести на респираторниот систем.
Авокадо
Авокадото, во споредба со другите видови овошја, содржи најмногу фолна киселина и е многу добар извор на следниве соединенија:
- витамин Ц;
- витамин Б;
- витамин К;
- влакна;
- холин;
- магнезиум;
- калиум.
Авокадото е многу добар извор на железо, а благодарение на високата содржина на калиум и манган може да помогне во ублажување на мачнините и грчевите во нозете. Холинот е многу важен за раст и развој на бебето
Лимон
Покрај тоа што е одличен извор на витамин Ц, лимонот може да помогне во ублажување на мачнините. Ја поттикнува работата на дигестивниот систем и го намалува ризикот од појава на запек. Лимонот може да го оштети забниот емајл, па после секоја консумација исплакнете ја устата со млака вода.
Банани
Бананите се многу добар извор на калиум. Одличен извор на витамин Б6, Ц и влакна.
Околу 50 % од жените за време на бременоста имаат проблеми со дигестивниот систем и запекот. Следниве фактори може да предизвикаат запек за време на бременоста:
- Притисок на матката врз цревата;
- Загриженост;
- Недостаток на внес на влакна;
- Прекумерно внесување на железо.
Зголемувањето на внесот на храна богата со влакна може да помогне да се спречи и да се намали опстипацијата, а витаминот Б6 ќе ги ублажи утринските мачнини.
Зрнесто овошје
Зрнестото овошје е одличен извор на витамин Ц, влакна и фолна киселина. Исто така, содржи фитонутриенти и антоцијанини. Ако страдате од гестациски дијабетес, пред почетокот на консумирање на зрнесто овошје консултирајте со лекар, бидејќи содржи висок процент на јаглехидрати.
Јаболка
Јаболката се одличен извор на влакна и многу добар извор на витамин А, Ц и калиум. Јаболката може да го подобрат вашето здравје и здравјето на бебето. Едно истражување покажало дека јаболката може да го намалат ризикот од астма и алергии подоцна во животот.
