Според Центарот за превенција и контрола на болести на САД и нема што многу да направите, освен ако сами не почнете да манифестирате симптоми на КОВИД-19.
“Ако сте биле во близина на некој кој има КОВИД-19, не мора да се држите на оддалеченост од други, ниту да се тестирате ако немате симптоми“, стои во официјалниот КОВИД-19 водич за ревакцинирани лица, на гореспоменатиот центар.
Во насоките, исто така се нагласува дека “комплетно вакцинираните лица имаат намалеб ризик од пренесување на SARS-CoV-2 на невакцинирани лица“.
“Имаме добри податоци дека луѓето кои се вакцинирани со две дози, дури и ако се позитивни, воглавно се асимптоматски и не ја шират болеста на лица кои не се вакцинирани“, вели д-р Џенифер Хорни, основач и директор на епидемиолошката програма на Универзитетот во Делавер. “Тоа е она што го натера Центарот да ја повлече одлуката за носење маска за вакцинираните лица“.
Но, вакцинираните лица би требало и понатаму, во наредните 14 дена да се следат и набљудуваат себе си поради симптомите на вирусот, по било каква изложеност, подвлекуваат експертите од Центарот. И ако почувствуваат симптоми на КОВИД-19, треба да се изолирате од останатите луѓе и да се тестираат за новиот коронавирус, дури и ако сте вакцинирани со две дози вакцина.
Типичните симптоми на КОВИД-19 вклучуваат треска, кашлица, потепкотии со дишењето, губење на осетот за вкус или мирис, конгестија и замор. Некои симптоми на болеста може да имитираат симптоми на обична настинка, особено меѓу младите лица кои имаат поблага форма на КОВИД-19.
Меѓутоа, “Ако имате температура, тоа не е обична настинка“,, вели д-р Хорни.
“Секој со симптоми на ковид, без оглед на статусот на вакцинација, треба веднаш да направи вирусен тест“, потенцира д-р Василиос Маргаритис, епидемиолог на Универзитетот Валден во Минеаполис.
Тој вели дека иницијалниот тест треба да примени веднаш, со контролен тест кој би се направил 5 до 7 дена по изложувањето.
“Знаењето на вашиот ковид статус е важно, без оглед на вашиот вакцинален статус“, вели д-р Хорни.
Доколку вашиот тест на КОВИД-19 е позитивен, не треба да комуницирате со други лица се додека имате симптоми и додека не поминат најмалку 10 дена од вашиот последен позитивен тест на корона, нагласуваат од Центарот за контрола и превенција на болести.
“Дури и ако вакцинираните поединци не развијат симптоми по изложувањето, може да размислат за избегнување на инеракција со поединци со ослабен имун систем (имунокомпромитирани) и невакцинирани лица со висок ризик, за да се обезбеди сечија безбедност“, советува Каролин Џил, епидемиолог во Медицинскиот центар во Лос Анџелес.
